Tapukuykunapaq kaq

◼ ¿Pikunamantaq qellqanchikkunata saqenanchik?

Pipas yachay munaqkunamanmi. Atencionwan uyariwasqanchikta musyaspaqa saqechwanmi revistakunata, folletota, librota otaq huk qellqanchikkunatapas, chaytaqa rurachwantaqmi predicacion apakunanpaq qoy munasqanmanta otaq mana munasqanmanta cuentata qokuspapas (Job 34:19; Apo. 22:17). Ichaqa manam saqenanchikchu ancha valorniyoq qellqanchikkunataqa mana interesakuq runakunamanqa (Mat. 7:6).

¿Imaynatam musyachwan pipapas yachay munasqantaqa? Musyachwanmi allinta uyariwaptinchik chaynataq ñoqanchikwan parlayta munaptin. ¿Kutichiwanchikchu tapusqanchikkunata? ¿Rimarinchu piensasqanmanta? Leechisqayki textokunata leesqanmi qawachin Diospa Palabranta respetasqanta. Wakinpiqa tapuchwanmi: “¿Saqeptiy leewaqchu?”, nispa. Allin cuenta qokuqmi kananchik runapa mayna interesakusqanta yachanapaqqa. Chayraykum, callekunapi predicaspanchikqa mana lliw runakunamanchu qellqanchikkunataqa qonanchik. Chaymantapas, yachay munasqanmanta iskayrayaspaqa qochwanmi huk tratadollata otaq invitacionllata.

Congregacionmanta horqosqanchik qellqakunaqa kanan haykata predicananchikpaq necesitasqanchikman hinam, manam hayka qollqeta churasqanchikman hinachu. Qosqanchikqa manam qellqakunamanta paganapaqchu, aswanqa Diospa Gobiernon reqsisqa kananpaq tukuy ima necesitakusqanpi yanapanapaqmi. Agradecesqa kasqanchikraykum tukuy sonqonchikmanta qonanchik Diospa Gobiernonta yanapanapaq, mana ancha qollqeyoq kachkaspanchikpas (Mar. 12:41-44; 2 Cor. 9:7). Chayna kasqanchikqa yanapawasuntaqmi predicanapaq necesitasqanchik qellqakunallata horqonapaq, chaynapim mana usuchisunchu Diospa llaqtanpi imapas kaqkunata.

[2 kaq paginapi suti rikuylla kaq willakuy]

Allin cuenta qokuqmi kananchik runapa mayna interesakusqanta yachanapaqqa