Lliw runakunamanyá predicasunchik
1. ¿Imapitaq rikchakunku Diosmanta allin yachachiqwan yachayniyoq carpinteroqa?
1 Yachayniyoq carpinteroqa achka herramientayoq kaspanpas yachanmi sapakamata haykapi hinaspa imayna servichikuyta. Ñoqanchikpas tukuy rikchaq herramientayoq hinam kachkanchik lliwman predicanapaq kamachiwasqanchikta cumplinapaq. Chaypaqmi kapuwanchik tukuy rikchaq folletokuna (1 Cor. 9:22). Tawa kaq paginapim willawachkanchik folletokunata imayna servichikunamanta.
2. ¿Haykapitaq allin kanman folletokunata qoyninchik?
2 Folletokunata haykapi servichikunamanta. Yachayniyoq carpinteroqa mayqen herramientantapas servichikunanpaqqa allintam tanteanan. Chaynatataqmi folletotapas allinta servichikuna, qonaykipaq hina kasqanmanta cuentata qokuspaqa, qoykuwaqmi folletowan chay killapi mana llamkanapaq kaptinpas. Sichu Yachachiq librowan chay killapi llamkanapaq kanman, ichaqa yachasqayki lawpi runakuna Bibliapi mana ancha interesakuptinqa, librota manaraq qochkaspam mayqen folletotapas qowaq astawanraq yachayta munananpaq.
3. ¿Imapaqmi yanapawasun qellqanchikkunata yachaywan servichikuyqa?
3 Bibliaqa allin llamkaqkunatam alaban (Pro. 22:29). Kunanqa manam ima llamkaypas aswan allinqa kanmanchu ‘Diosmanta allin noticiakunata willakuymantaqa’ (Rom. 15:16). “Mana imamantapas penqakuspa” “allin llamkaq” kanapaqqa allintapunim qellqanchikkunata servichikunanchik (2 Tim. 2:15).