Arriba a la izquierda: Marek M. Berezowski/Anadolu Agency via Getty Images; abajo a la izquierda: Halfpoint Images/Moment via Getty Images; centro: Zhai Yujia/China News Service/VCG via Getty Images; arriba a la derecha: Ismail Sen/Anadolu Agency via Getty Images; abajo a la derecha: E+/taseffski/via Getty Images
¡QAWAN-QAWANLLAYÁ KASUN!
2023 watapim tukuy sasachakuykuna karqa | ¿Imatam biblia nin?
2023 watapi tukuy sasachakuykuna kasqanwanmi cuentata qukunchik bibliapa nisqanman hina “tukupay punchawkunapiña kawsakusqanchikmanta” (2 Timoteo 3:1). Biblipa nisqankunaqa cumplikuchkanmá. Imakuna nisqantayá qatiqninpi qawaykusun.
kunan punchawkunapi imakuna kananmanta bibliapa nisqankuna
“Qamkunaqa uyarinkichikmi guerrakunamanta hinaspa guerrakuna kasqanmanta willakuyta” (Mateo 24:6).
“Achka nacionkunam guerrapi kachkanku”.a
Qaway kaytapas: “¿Pitaq inocente runakunataqa guerramanta waqaychanqa?” chaymantapas “Enteron pachapi gobiernokunam gastarunku 2 billon dolar masnin qullqita militarkunapi”.
“Kanqam kaypi-chaypi terremotokuna” (Marcos 13:8).
“2023 watapim 13 manchakuypaq terremotokuna karqa. Ñawpaq watakunapiqa manam chayna manchakuypaq terremotokunaqa karqachu”.b
Qaway kaytapas: “Manchakuypaq terremotom pasarun Turquia hinaspa Siria nacionpi”.
“Kanqataqmi manchakuypaq kaqkuna” (Lucas 21:11).
“Rupaypas manaña aguantay kasqanraykum tukuy ima chakichkan” nirqam António Guterres, secretario general de las Naciones Unidas.c
Qaway kaytapas: “2023 watapi llumpay rupay kasqanmanta”.
“Kaypi-chaypim kanqa muchuypas” (Mateo 24:7).
“2023 watapim runakunaqa sasachakurqaku mikuynin pisiptin”.d
Qaway kaytapas: “Guerra hinaspa llumpay rupaywan chiri kasqanraykum muchuy kachkan”.
“Mana haykapipas qawasqanchik sasallaña punchawkunam kanqa” (2 Timoteo 3:1).
“Achka runakunam tukuy sasachakuykuna kasqanrayku llakisqallaña hukmanyasqallaña kanku”.e
Qaway kaytapas: “Musu-sipaskunam llumpay llakisqa kachkanku”.
2024 watapiqa, ¿imakunaraqtaq kanqa?
2024 watapi imakuna kananmantaqa manam pipas yachanchu. Ichaqa biblipi nisqanman hinam tukuy sasachakuy kasqanwan cuentata qukunchik Diospa gobiernon hichpamusqanmanta. Dios kamachimuwaptinchikqa manañam kanqañachu gobiernaqkunaqa, chaymi waqachiwaqninchik kaqkunapas manaña kanqachu. (Daniel 2:44; Apocalipsis 21:4).
Diospa gobiernon chayamunankamayá imawan llakisqa kasqanchikmantapas Diosman willakusun. Bibliapim nin:
“Manchakuywan kaspaymi qamllapi hapipakullani” (Salmo 56:3).
¿Imatam ruwananchik Diospi hapipakunapaqa? Diospi hapipakunamanta hinaspa hamuq tiempopi kusisqa kawsakuymanta yachayta munaptikiqa nikikum Jehova Diospa testigonkunawan bibliata estudianaykipaq. Chay imayna kasqanta yachanaykipaq ¿Imaynatam wiñaypaq kusisqa kawsakuchwan? niq qillqawan estudiay. Chayqa yanapasunkim kikikitapas hinaspa wasikipi kaqkunatapas.
a Foreign Affairs, “A World at War: What Is Behind the Global Explosion of Violent Conflict?” (Un mundo en guerra: ¿Qué hay detrás de la explosión mundial de conflictos violentos?), Emma Beals y Peter Salisbury; 30 de octubre de 2023.
b Noticias de terremotos, “2023: La cantidad de grandes terremotos pronto batirá récords”; mayo de 2023.
c Naciones Unidas, “Secretary-General’s Opening Remarks at Press Conference on Climate” (comentarios del secretario general sobre el clima en una rueda de prensa); 27 de julio de 2023.
d Programa Mundial de Alimentos, “Una crisis alimentaria mundial”.
e Organización Mundial de la Salud, “Día Mundial de la Salud Mental”; 10 de octubre de 2023.