QARANPI KAQ YACHACHIKUY | ACHKA RUNAKUNAM LLAKISQA TARIKUNKU ¿IMAKUNAWAN?
Kallpanchakuy hawkalla kawsakunaykipaq
UNQUSPAPAS utaq imawan sasachakuspapas atichwanmi kusisqa kawsakuytaqa. Kusisqa kawsakunapaqqa imayna tarikusqanchikman hinam ruway atisqanchikkunallata ruwana. Kay tiempopiqa manam lliw sasachakuyninchik atipaytaqa atisunchu, hamuq tiempopim ichaqa manaña ñakarisunchu. ¿Imanasqam chaynata ninchik?
Bibliam willawanchik hamuq tiempopiqa imawanpas mana sasachakuspa kusisqa kawsakunanchikmanta. Chaypiqa imapas ruway munasqanchiktam ruwasun, manañam llakisqa sunquqa kasunñachu (Isaias 65:21, 22). Bibliapa nisqanman hinaqa chaymi allin kawsakuyqa (1 Timoteo 6:19).
‘Wasikunatam hatarichinqaku hinaspam chaypi yachanqaku. Uvas huertakunatam plantanqaku hinaspam rurunta mikunqaku. Wasikunatam hatarichinqaku ichaqa manam sapaq runakuna yachananpaqñachu. Uvas huertakunatam plantanqaku ichaqa manam sapaq runakuna rurun mikunanpaqñachu. Sachakuna hinam runaykunaqa una-unay watakunata kawsanqa. Akllakusqaykunaqa llamkasqankunapa ruruntam hurqunqa’ (Isaias 65:21, 22).