Sinchi Paramanta Egiptopi librasqa kanankukama

Pusaq runakunallam sinchi Parapiqa mana wañurqakuchu, watakuna pasasqanman hinam ichaqa waranqanpi runakunaña karqaku. Hinaptinmi, sinchi Paramanta 352 wata pasaruptinña Abrahamqa nacerqa. Yachanchikmi Jehová Diosqa Abrahanman churin Isaacta qospan promesan cumplisqanta. Hinaptinmi, Isaacpa iskaynin churinkunamanta Jacob sutiyoq kaqta Diosqa akllarqa.

Jacobpa familianqa achkam karqa, qari churinkunam 12 karqa warmi churinkunapas karqataqmi. Jacobpa 10 churinkunaqa cheqnirqakum sullka wawqenku Joseyta hinaspam rantikururqaku Egipto nacionpi sirviente kananpaq. Chaymantam, Joseyqa Egiptopi allin reqsisqa kamachikuq karqa. Muchuy tiempo chayaramuptinmi, Joseyqa wawqenkunata pruebarqa imayna runaña kasqankuta reqsinanpaq. Chaymantam Jacobqa llapallan ayllunwan Egipto nacionman pasarqaku. Abrahampa nacesqanmanta 290 wataña pasaruptinmi kaykuna sucederqa.

Chaymi Israel runakunaqa 215 watata Egipto nacionpi kawsakurqaku. Josey wañukusqan qepatam Egiptopi sirvientekunaña karqaku. Tiempopa risqanman hinam Moisesqa nacerqa, paywanmi Diosqa Egiptomanta Israel runakunata librarqa. Kay ISKAY kaq Partepim willakuchkan 857 watakunapi pasasqanmanta.