Niwasqanchikman hinalla yachachinapaq

DIOSMI serviqninkunata cuerpowan rikchanachin. Cuerponchikpa partenkunaqa manam yanqapaqchu, sapakamam allinta yanapawanchik. Chaynallataqmi congregacionpi kaqkunapas Escuelapi imam rurananchikta allinta rurananchik. Chaymi imamanta rimanapaq otaq yachachinapaq niwaptinchikqa chayman hinalla rurananchikpaq kallpanchakuna (Rom. 12:4-8). Allin yuyayniyoq confianza sirvientem cuentallikun ‘imam horapi mikuchiwananchikpaq’ otaq Diosmanta yachachiwananchikpaq (Mat. 24:45). Yachachinanchikpaq otaq demostracionta rurananchikpaq niwasqanchikman hinalla preparakuspaqa Jehova Dios agradecekusqanchiktam qawachinchik hinaspapas iñiqmasinchikkuna huk sonqolla kanankupaqmi yanapakunchik.

Imatawanmi akllawaq yachachinaykipaq. Imamantapas Escuelapi yachachinayki otaq demostracionta ruranayki kaptinqa chayman hinam ruranayki. Yaqa sapa kutim mayqen qellqapi yachachikuyman hina ruranaykipaq tupasunki. Mana chayna kaptinqa yachachinaykipaq kaqtam mayqen qellqanchikmantapas preparakuwaq uyarisuqnikikunapi reparaspa. Chaywanpas, imamanta yachachinaykipaq kasqanman hinallam yachachinayki otaq demostraciontapas ruranayki.

Allintam entiendenayki akllasqayki yachachikuykunata chaynataq textokunatapas. Uyarisuqnikikunata chaykuna imayna yanapasqanpipas reparay. Yachachinaykipaq otaq demostracionta ruranaykipaqpas aswan allinnin kaq yachachikuykunamantam akllawaq iskayllata otaq kimsallata chaynataq leenaykipaq kaq textokunatapas.

¿Llapallan akllasqayki kaqkunamantachu rimanayki? Yachachinaykipaq kaqkunallamantam rimanayki. Imamanta yachachinaykipaq otaq demostracionta ruranaykipaq kaqtaqa ama yanqacharuychu achkanpi rimanaykipaq akllasqaykiwanqa. Mana yanapasunaykipaq kaqkunataqa ama servichikuychu aswanqa allinta yachachinaykipaq otaq demostracionta ruranaykipaq kaqkunallata. Kay yachachikuyqa mayqen qellqanchikpa nisqanman hinalla ruranaykipaqmi, manam hayka yachachikuykunamanta rimay atisqaykita qawachinaykipaqchu.

Preparakunaykitaqmi wakin yachachikuykunamantapas explicanaykipaq, rikchanachinaykipaq chaynataq imayna yanapasqanta qawachinaykipaqpas. Imamantawan rimanaykipaq tanteasqaykiqa yachachisqaykipa aswan allinnin kaq yachachikuyninkunamanta entiendechinaykipaqmi kanan, manam chaykunamanta astawan rimanaykipaqchu.

Diosta Servinapaq Huñunakuypi allin yachachiq iñiqmasinchikkunaqa imamanta yachachinankupaq kasqanpim reparanku, manam tanteasqankuman hinachu rimanku. Lliw runakunapaq discurso qoqkunapas yachachinankupaqmi bosquejota chaskinku. Imamantawan rimayta munaptinkupas bosquejopiqa sutillam kachkan aswan allinnin kaq yachachikuykuna, chay yachachikuywan tupaq wakin yachachikuykuna chaynataq leenankupaq kaq textokunapas. Bosquejopi nisqanman hina preparakuspaqa astawanmi ñawparinqa allin yachachiq kananpaq.

Imamanta yachachinapaq otaq demostracionta ruranapaq kasqanman hinalla preparakuspaqa Bibliamanta estudiachispapas allintam yachachinki. Mana ancha yanapaqnin yachachikuykunamanta yachachinaykimantaqa aswan allinnin kaq yachachikuyninkunamantam sumaqta entiendechinki. Kay yachachikuypa nisqanman hina yachachispapas estudianteki astawan yachayta munaptinqa huk yachachikuykunamantapas explicawaqmi.