10 kaq rakiyninpi imakuna yachananchikmanta
Jehova Diosmi tukuy imata kamachiqqa, paypa makinpimá imapas kachkan. Payqa tukuy tiempom yupaychaqninkunata yanaparqa. Jeremiastam mitullaña uchkumanta hurqurachirqa mana wañunanpaq. Sadracta, Mesacta hinaspa Abednegotañataqmi rupachkaq hornomanta salvaykurqa. Danieltapas leonkunamantam harkaykurqa. Estertañataqmi yanaparqa llaqtamasinkunata librananpaq. Diosqa manam saqinqachu mana allin runakuna hinalla kanankutaqa. Chaykunamantam yachasun. Yachasuntaqmi hatunkaray runa kaqlla willakuymanta hinaspa hatu-hatun sachamanta willakuymantapas. Chaykunamanta yachasqanchikmi yanapawasun Dios kamachimuptin ñakariykuna chinkananmanta mana iskayrayanapaq.