2 YACHACHIKUY
Bibliapim nin allinña kawsakunanchikmanta
Yaqa llapallan runamasinchikkunam ima sasachakuykunawanpas ñakarispanku waqallanku. Ichaya qampas unqusqaykirayku utaq pi aylluykipas wañukusqanrayku sasachakuypi tarikullachkanki. Hinaspapaschá ninki: “Haykapikamataq kayna sasachakuykuna kanqa”, nispa. Bibliapa yachachikuyninmi ichaqa sunqunchikta tiyaykachinqa.
1. ¿Imaynaña kawsakunamantam bibliaqa willawanchik?
Bibliam willawanchik imanasqa sasachakuykuna kasqanmanta, ichaqa niwanchiktaqmi tukuy ima sasachakuykunapas tukunanmanta. Arí, bibliaqa niwanchikmi hamuq tiempopi allinña kawsakunanchikmanta (leey Jeremias 29:11, 12). Chayta yachaymi yanapawanchik ima sasachakuykunawanpas mana llumpayta hukmanyarunapaq hinaspa kusisqa kawsakunamanta mana iskayrayanapaq.
2. ¿Ima nintaq bibliaqa hamuq tiempomanta?
Bibliam nin: “Manañam kanqachu wañuypas, llakikuypas, waqaypas nitaq nanaypas”, nispa (leey Apocalipsis 21:4). Arí, tukunqañam ñakariykuna, manañam kanqañachu unquy, wañuy, wakchayay chaynataq chiqninakuypas. Bibliaqa niwanchiktaqmi kay allpa pacha suma-sumaq kaptin llapallan runakuna kusisqa kawsakunamantapas.
3. ¿Imanasqataq mana iskayrayananchikchu bibliapa nisqankunamantaqa?
Achka runakunam munanku imapas allin kananta ichaqa iskayrayankum chayna kananmanta. Bibliapi allinña kawsakunanchikpaq niwasqanchikmantam ichaqa mana iskayrayachwanchu. Chaypaqmi bibliata ‘sapa punchaw allintapuni estudiananchik’, chaynata estudiaspaykiqa qampas manam iskayrayankichu bibliapa nisqanmantaqa (Hechos 17:11).
ASTAWAN YACHAYKUSUN
Kaypim yachaykusun hamuq tiempopi imaynaña kawsakunamanta. Yachaykusuntaqmi chaymanta yachasqanku hukkunatapas yanapasqanmanta.
4. Hawkañam wiñaypaq kawsakusun
Kunanmi yachaykusun imaynaña hamuq tiempopi kawsakuy kananmanta. ¿Imakuna manaña kanantataq munawaq?
Uraypi bibliapi textokunata maskaykuspa leeychik hinaspa qatiqninmanta rimariychik:
Ñawinchaykusqanchikqa, ¿sunquykita tiyaykachinchu? Kay yachasqaykiqa, ¿aylluykikunata yanapanmanchu?
Kaynañam kawsakusunchik:
¿IMAKUNAM MANAÑA KANQACHU? |
¿IMAYNAÑAM KAWSAKUSUN? |
|---|---|
|
|
|
|
|
|
|
|
|
|
5. Sumaq kawsakuymanta yachasqanchikqa yanapawanchikmi
Sasachakuykunawanmi runakunaqa piñasqa hinaspa hukmanyasqa tarikunku, chaymi allichanankupaq tukuyta ruwanku. Sumaqña kawsakunamanta bibliapa willakusqanmi ichaqa achka runakunata yanapachkan. Chaymantayá yachaykusun. VIDEOTA qawaykuychik hinaspa qatiqninmanta rimariychik:
Videopi qawasqanchik warmita, ¿imataq llakichirqa?
Chiqninakuy hinalla kaptinpas, ¿imaynatam payta biblia yanaparqa?
Hamuq tiempopi hawkaña kawsakunanchikmanta bibliapi yachasqanchikmi yanapawachwan ima sasachakuywanpas llumpayta mana hukmanyarunapaq. Leeychik Proverbios 17:22 hinaspa Romanos 12:12, chaymantañataq qatiqninmanta rimariychik:
Hamuq tiempopi hawkaña kawsakunamanta yachasqaykiqa, ¿qamtapas yanapasunkimanchu? ¿Imanasqa?
WAKIN RUNAKUNAM NINKU: “Hamuq tiempopi manaña unquspa, manaña wañuspa, hawkaña kawsakunamanta bibliapa nisqanqa yanqam, llullam”, nispanku.
Ichaqa, ¿imanasqataq chayna kananmantaqa mana iskayrayachwanchu? ¿Chaymanta yachaykuyta munawaqchu? ¿Imanasqa?
YUYARIYKUSUN
Bibliapim nin hamuq tiempopiqa kusisqaña kawsakunamanta. Chayta yachaymi yanapawanchik ima sasachakuyña kaptinpas mana hukmanyarunapaq.
¿Ima niwaqtaq?
¿Imanasqataq runakunaqa hukmanyasqa tarikunku?
Hamuq tiempopi, ¿imaynaña kawsakunamantataq bibliaqa nin?
Allinña kawsakunamanta yachayqa, ¿qamtapas yanapasunkichu?
ASTAWAN YACHANAYKIPAQ
¿Hawkaña kawsakunamanta yachasqanchikqa yanapawanchikmanchu?
“Allinña kawsakuyta suyasqanchikqa yanapawachwanmi” (¡Rikchariy!, 22 abril 2004)
Hamuq tiempopi allinña kawsakunankumanta yachasqankum unquq runakunatapas yanapachkan.
Kay videota qawaykuspa qampas yuyaymanay aylluykiwan kuska kusisqaña kawsakunaykipi.
Hamuq tiempopi hawkaña kawsakunamanta yacharuspanmi huk runa kusisqaña kawsakurqa.
“Kunanqa yachaniñam imatapas Dioslla allichananmanta” (Willakuq, 1 julio 2013)