BIBLIAMANTA TAPUKUYKUNA
¿Allinñachu hamuq tiempopi kawsakusun?
Jesuspa wañukusqanwanmi musuq pachapiqa lliw runakuna kuyanakunqaku ¿imaynataq chayqa kanqa?
Kay tiempopi yachaysapa runakunapa yachasqankum astawan yapakuchkan. Ichaqa, ¿chay yachaykuna yanapawasunchu allintaña kawsakunapaq hinaspa runakunapas runamasinkuta kuyanankupaq? Manachusmi. Kay tiempopi runakunaqa kanku kikillankupaq munaqkunam. Diosmi ichaqa munan lliw runakuna allin kawsananchikta (leey 2 Pedro 3:13).
Bibliam nin hamuq tiempopiqa kay pachapi lliw runakuna kuyanakuspa huk sunqulla hawka kawsanankumanta, manañam pipas runamasintaqa mana allintaqa ruwanqañachu (leey Miqueas 4:3, 4).
Runapa kikillanpaq munaq kaynin ¿imaynam chinkachisqa kanqa?
Adanta Jehova Dios unanchaspanqa mana pantaq runatam unancharqa chaymi payqa mana kikillanpichu piensarqa. Ichaqa Adan Diosta mana kasukusqanraykum pantaq runaña rikurirurqa. Ñuqanchikqa paymantam pantaq kayninchikta chaskirqanchik, chaymi kanchik kikillanchikpaq imatapas munaq. Churin Jesucristowanmi Diosqa pantaq runa kasqanchikta chinkachinqa, chaynapim mana pantaq runaña kasunchik (leey Romanos 7:21, 24, 25).
Diospa prometewasqanchik cumplikunanpaqmi Jesus vidanta qurqa, chaynapi pantaq kasqanchikmanta librawananchikpaq (Romanos 5:19). Jesuspa wañukusqanwanmi lliw runakuna sumaq kawsakuyta atisun, chay tiempopim mana kikillanchikpi piensaqqa kasunchu, hinaspapas manañam mana allintaqa ruwasunñachu (leey Salmo 37:9-11).