Diosta servinankupaq hina Bibliamanta estudiokunata qosun wasi punkupi
1. ¿Imaraykum Bibliamanta estudiokunata qonchik?
1 ¡Mayna kusisqam sientekunchik Bibliamanta estudiota qallarispa! Ichaqa, manam Bibliamanta piwanpas estudiayta qallariyllachu. Aswanqa Bibliamanta estudiokunatam qonchik runakunata yanapanapaq Cristopa cheqap qatiqninkuna kanankupaq (Mat. 28:19, 20). ¿Imaynatam Biblia estudiaqkunata yanapachwan Diosta servinankupaq?
2. ¿Imaynatam Bibliamanta estudiokunata qochwan runakunapa punkunpi otaq telefonowanpas, hinaspa imanasqam allinpuni chayna rurayninchik?
2 Rurayniyoq kaqkunawan: Kunan punchaw runakunaqa achka rurayniyoqmi kanku. Wakin llaqtakunapiqa aslla runakunam qallarisqankumantapacha huk horata rakinku Bibliata estudianankupaq. Paykunata yanapanapaqmi kallpanchawarqanchik Bibliamanta estudiokunata qonapaq wasikunapa punkunpi otaq telefonowanpas. Qallariypiqa estudiotam qochwan pisi tiempollapi, hinaspa ichapas estudiachwan Bibliamanta huk iskay textonkunata Enseña nisqan libropa huk iskay parrafonkunata servichikuspa. Kusapunim achka wawqe-paninchikkunapa Bibliamanta estudiokuna qallariyninku runakunapa punkunpi hinaspa telefonowanpas.
3. ¿Imanasqataq kallpanchakunanchik wasiyoqpa punkunpi Biblia estudiasqanchik tiempo masyachiyta?
3 ¿Hinallachu runapa punkunpi Bibliamanta estudiota qonanchik? Manam. Bibliamanta estudiota qallarispaqa manam unay tiempochu yachachina, Nuestro Ministerio del Reino de mayo de 1990 nisqanmi, 4 paginanpi castellanopi nirqa: “Una vez que se haya establecido el estudio y el interés del amo de casa aumente, se puede pasar más tiempo en el estudio”. Kay yuyarichiymi allinpuni. Ejemplopaq, ichapas eqo warmachata mikuchina kanman. Qallariypiqa, asllatachá mikuchina allinta mikunankama. Ichaqa manam suyachwanchu kallpayoq kananta nitaq allin wiñananta hina chaynallata mikuchiptinchikqa. Chaynallataqmi Biblia estudiaqpas necesitan Bibliamanta aswan allin estudio chaskiyta Diospa allin siervon kananpaqña (Heb. 5:13, 14).
4. ¿Imanasqam ancha allin kanman runamasinchikpa wasin ukupi Bibliamanta estudio qoyqa?
4 Wasikunapi Bibliamanta estudiokuna: Allinpunim kanman Bibliamanta estudio qoy mana pipas kasqanpi, wasi ukupi otaq huklawpipas, chaymi yanapanqa estudiaqta allinta yachananpaq hinaspa Diospa Palabranta allinta entiendenapaq (Mat. 13:23). Chaymantapas yachachiqtam yanapan estudiaqpa necesitasqanman hina yachachinanpaq. Chaymi, aswan estudiayqa yanapawasun Diospa Palabranta alli-allinta entiendenapaq hinaspa kallpanchakunapaqpas (Rom. 10:17).
5. ¿Imatam rurachwan wasi punkupi estudio qosqanchik wasi ukupiña rurakunanpaq?
5 ¿Imatam rurachwan wasi punkupi estudio qosqanchik wasi ukupiña rurakunanpaq? Achka kutiña pisillapi estudiota qospaqa, ¿imanasqataq mana ninkichu tiempo estudiasqaykichikta astawan masyachinaykichikpaq? Chaymantapas cuidadollawanmi estudiaqta tapuwaq: “¿Tiempoyki kachkanchu tiyaykuspa kay qellqamanta kuska yachaykunapaq?” otaq “¿Hayka tiempopitaq kay yachaymanta estudiayta munawaq?”. Chaywanpas wasi ukupi estudiayta mana atikuptinqa hina punkullapi estudiaychik. Huk punchaw allin kaptinña, kaqllamanta rimapayay.
6. ¿Imaraykum predicananchik, hinaspa imaynatam yanapawachwan kay yachasqanchikkuna Biblia estudiaqkunata yanapanapaq Diosta servinankupaq?
6 Sapa kuti allin sonqoyoq runakuna maskayninchikpi ama qonqasunchu Bibliamanta estudio qoyta: allin sonqoyoq runakunata yanapaspa Jehová Diosman qokuspanku bautizakunankupaq. Jehová Diospim confianchik Bibliamanta estudiokuna tarinapaq kallpanchakusqanchikta bendeciwananchikpaq (2 Tim. 4:5).