Allin ñawiyoq kasun
1. ¿Imam allin ñawiyoq kay, imanasqam allin?
1 Moqo patapi rimachkaspam Jesusqa rikuchirqa espiritual kawsayninchikpi ñawipa kallpachasqanta, mana allinman tanqasqantapas. Jesusmi nirqa: “Ñawiqa cuerponchikpa achkiynin hinam. Ñawiki allinta qawakuptinqa tukuy vidaykim kachkan achkiyniyoq. Ñawiki mana allinta qawakuptinmi ichaqa vidayki kachkan pasaypaq tutayayllapi,” nispa. (Mat. 6:22, 23.) Allin ñawiqa Diospa munaynin ruranantam allinta qawan manam pantachikunchu imaymanawan apu kaypi piensaspa. (Mat. 6:19-21, 24-33). ¿Imaynatam allin ñawiyoq kanchikman?
2. ¿Ima niwanchikmi Biblia imaymanawan apu kaymanta?
2 Contentakuyta yachasun. Familianchikpa imapas necesitasqan qonapaq llamkayqa Diospa kamachisqanmi (1 Tim. 5:8). Manam ichaqa imaymanata aswan allinta otaq aswan mosoqtapas rantinapaq qollqe maskayllapichu afanakusun. (Pro. 27:20; 30:8, 9). Bibliam kallpachawanchik “pachanchikpas, mikunanchikpas kaptinqa”, chaykunawan contentakunanchikpaq, chaykunatam necesitanchik kawsananchikpaq (1 Tim. 6:8; Heb. 13:5, 6). Kay consejota kasukuspaqa allin ñawiyoqmi kasun, chaymi yanapawasun ima rurananchikta musyananchikpaq.
3. ¿Imam yanapawasun mana vencechikunanchikpaq?
3 Manam allinchu manuwan vencechikuyqa nitaq mana necesitasqanchikkuna rantiypas, manataqmi qallarinachu mana haykapi tukukuq ruraykunatapas tiemponchiktapas kallpanchiktapas llumpayta usuchiptinqa (1 Tim. 6:9, 10). ¿Imam chaypaq yanapawanchikman? Oracionta ruraspam allinta tanteananchik imapas ruray munasqanchikta, mayninpiqa manapasmi tiemponchik kanmanchu espiritual rurayninchikkunapaq. Espiritual ruraykunatapunim puntapiqa churananchik (Fili. 1:10; 4:6, 7).
4. ¿Imanasqam pisi qollqellawan kawsayta yachananchik?
4 Pisi qollqellawan kawsayta yachasun. Qollqe kuyaypi mana urmananchikpaqqa yachananchikmi pisi qollqellawan kawsayta. Pisi qollqellawan familianpa allin kawsasqanta musyaspam huk hermanonchik kayta nin: “Kunanqa atinim congregacionpi wawqe paniykuna serviyta. Segurom kani Jehovapa yanapasqanmanta, Payqa achkatam bendicen payta servinankupaq paykunapa munasqanta qepaman churaqkunata.” ¿Chaskiwaqchu qampas achka bendicionkunata pisi qollqellawan kawsayta yachaspa?
5. ¿Imanasqam kallpachakunanchik allin ñawiwan qawananchikpaq?
5 Sapa punchawmi kallpachakunanchik Satanaspa tentasqanta vencenanchikpaq, qollqella munaq runakunawanpas, huchayoq kayninchikwanpas mana vencechikunanchikpaq. Mana allinkunata qawaspa ñawinchikwan pantananchiktaqa, allin ñawiwan qawasun Diospa munaynin rurananchikta, wiñay kawsay suyakusqanchiktapas (Pro. 4:25; 2 Cor. 4:18).