Día especial asambleapa mosoq arreglon

Ñawiqa ancha yachayniyoqpa sumaqllataña rurasqam (Sal. 139:14). Chayna kaptinpas, qawaspaqa chullallatam rikuytaqa atinman. Chayqa qawakunmi aycha ñawinchikpiwan espiritual ñawinchikpipas. Espiritual ñawinchik clarota hinaspa allinta qawananpaqqa, kallpanchakunanchikmi tukuy sonqonchikwan Diospa munayninta ruraypi. Satanaspa pachanpi sapa punchawta pantachiq ruraykuna yapakusqan hinaptinqa, allinpunim kanqa 2006 servicio watapi día especial asambleapaq temanqa: “Cuidasunchik ñawinchikta allinta qawakunanpaq” (Mat. 6:22).

¿Imatam ruranchikman Jehová Dios bendeciwananchikpaq? (Pro. 10:22.) Kay tapuytaqa kutichikunqa “Allin yanapakuykuna ñawinchik allinta qawakuptin” nisqa discursopi, chaypi entrevistakuna qawachinqa ima allinkunapi tukunman Bibliapa nisqanta kasukuptinchik. Watukuq wawqenchikpa (orador visitante) punta kaq discursonqa sutichakun: “Cuidasunchik ñawinchik allinta qawakunanpaq kay mana allin pachapi”; chaypim willawasunchik imakunam kawsayninchikta sasachanman hinaspa allillamanta espiritual kayninchikta heqeparachinman. Chaypipas yachachiwasunchik imaynatam “allin kaqtam” akllakuchwanqa (Luc. 10:42).

¿Imaynatam tayta-mamakunawan yuyayniyoqkunapas mozo-sipaskunata kallpanchanmanku espiritualpi haypanapaq kaqkunata churakunankupaq? Chaymanta yachasunchik kay discursokunapi: “Tayta-mamakuna flechankuta allinta dirigeq” hinaspa “Mozo-sipaskuna espiritualpi allin ruraykunata haypanankupaq kallpanchakuqku” (Sal. 127:4). Watukuq wawqenchikpa tukunapaq kaq discursonpi, qawachiwasunchik imaynata Jehováq Diospa kamachisqan llaqtanpa purisqanman hina purinchikman sapakamaqa, ayllunchikwan hinaspa congregacionninchikwanpas.

Chayllaraqchus otaq unayña Jehová Diosta servichkanki hinaptinpas, ancha allinmi ‘ñawinchik allinta qawakunanpaq cuidayqa’. Día especial asambleapaq arreglonmi yanapawasunchik chayta rurananchikpaq.