Mosoq folletota rakispa llamkasun
1 Achka runaña mundontinpi imaymana sucedesqanwan llakisqa kachkanku chaypas, asllam entiendenku imanasqa kay mundo chayna kasqanta, imakuna sucedenanta, Diospa juicionpi mana wañunanpaq ima ruranatapas (Eze. 9:4). Tiemponchikpa imanasqa chayna kasqanta entiendenankupaqmi, lunes 18 de octubremanta domingo 14 de noviembrekama rakisun ¡Manténgase alerta! nisqa mosoq folletota.
2 Kay folletotaqa rakisun wasin wasinta rispa, revisitata ruraspa, maypipas predicaspa otaq achka runakunapa kasqanpipas. Manam ichaqa llapa runamanchu saqesunchik, mundontinpi imaymana sucedesqanmanta Bibliapa willasqanpi interesakuqkunallamanmi. Pisilla interesakuqkunamanqa tratadollatam saqesun.
3 Interesachiwaqmi kayta nispa:
◼ “Achka runakunam llumpayta preocupakunku, kay tiempopi llakichiq problemakunawan. [Willariy hukllatapas llaqtapi problemamanta.] ¿Yacharqankichu kaykunamanta Bibliapa willasqanta? [Uyariy kutichisqanta. Chaymanta huk textota leey llaqtapi problemakunawan tupaqta Mateo 24:3, 7, 8; Lucas 21:7, 10, 11, otaq 2 Timoteo 3:1-5.] Bibliam willan imanasqa tiemponchik chayna kasqanta, hamuq tiempopi ima sucedenanmantapas. ¿Munawaqchu kaykunamanta masta yachayta? [Suyay kutichinanta. Interesakuptinqa saqey folletota.] Gratismi kay folletotaqa saqeniku.”
4 Munaspaykiqa kaytam niwaq:
◼ “Achka runam llakikunku kay tiempopi problemakunawan otaq problemankuwanpas. Wakinmi tapukunku, ¿imanasqam Dios qawallan kay sufrimientokunata? nispa. Bibliam asegurawanchik, Diosqa ñam tukunqaña runakuna ñakarichiq problemakunata. Qawariy runakunaman Diospa qonanta [leey Salmo 37:10, 11]. ¿Munawaqchu kaykunamanta masta yachayta?” Kimsa parrafopi nisqanman hina tukuy.
5 Folleto chaskiq sapakama runapa direccioninta sutintawan anotay, hinaspa kutiy masta interesachinaykipaq. 2004 watapaq noviembrepi Reinopaq Servicionchikmi willanqa imayna ruranata. Punta visitapi nisyuta interesakuptinqa, chay ratopacham Bibliamanta yachachiyta qallariwaq ¡Manténgase alerta! nisqa folletowan otaq ¿Imatan Dios munan ñoqanchismanta? folletowanpas.
6 Reunión de Serviciopi kay temata estudiasqanchik qepatam kay mosoq folletotaqa horqosun. Publicadorkunapas precursorkunapas qallariy punchawkunapi tukunankupaq hinallam folletotaqa apananku. Jehová kay rurasqanchikta bendecichun chaymi pay alabasqa kanqa allin sonqoyoq runakunapas beneficiakunqaku (Sal. 90:17).