Septiembre killapim campaña kanqa runamasinchikkunaman bibliamanta yachachinapaq

Septiembre killapim kallpanchakusunchik kusisqa kawsakunapaq niq folletowan runamasinchikkunaman bibliamanta yachachinapaq. Chay killapiqa 30 horata willakuspam precursor auxiliar kachwan. ¿Imaynatataq chay campañapiqa willakusun?

• Chayllaraq rimanapaq. Rimayta qallaykunapaqmi servichikuchwan kusisqa kawsakunapaq niq folletopa qipanpi nisqanta, hinaspam nichwan imaynata bibliamanta yachachisqanchikta. Manataqmi qunqananchikchu ñawpaqpi visitasqanchik runakunatapas. Ichapas ñawpaqta mana estudiayta munachkaspankupas kunanqa kay musuq folletowan estudianmanku. Kay folletotaqa wasiyuqta mana tarispaqa manam saqinanchikchu nitaq cartantakamapas apachinanchikchu. Punta apaqkunam tantianmanku chay killapi astawan willakunapaq.

• Wakin killakunapi. Carretachawan willakuspaqa kusisqa kawsakunapaq niq folletotam chaypi churachwan. Pipas chay folletota munaptinqa willarichwanmi chay folletowan imaynata bibliamanta yachachisqanchikta. Diosmanta willakuypi cuentallikuq iñiqmasinchikmi akllanman Diosmanta allin willakuqkunata, negociokunapa kasqanpi bibliamanta yachay munaqkunata maskamunankupaq. Llamkaynikipi willakuspapas utaq maypiña willakuspapas maskawaqmi bibliamanta yachay munaqkunata.

Jesusmi nirqa rispa runakunaman yachachimunanchikpaq (Mt 28:19, 20). Munachkanchikñam kay musuq folletowan yanapachikuspa bibliamanta yachay munaqkunata yanapayta.