Jesuspa wañukusqanta Yuyarina tiempoqa: servicionchikpi yapanapaqmi
1. ¿Imaynatam ‘fiestakuna’ kallpancharqa Dios manchakuq israelitakunata?
1 Ñawpa tiempopi israelitakunaqa yuyarirqaku Jehová Diosta yupaychanapaq fiestakunata (Lev. 23:2). Diospa sumaq kayninpi yuyaymananankupaq tiempo qokusqankum paykunata kusichirqa, kallpancharqapas chuya yupaychayrayku achkata llamkanankupaq (2 Cró. 30:21–31:2).
2, 3. ¿Imanasqam Jesuspa wañukusqanta Yuyarina tiempopi Diospaq masta llamkananchik, haykapim Jesuspa wañukusqanta Yuyarina kanqa?
2 Kunanpas, Diospaq kusisqa llamkayninchikqa sapa watam yapakunpas Jesuspa wañukusqanta Yuyarinawan. Chay tiempopim anchata yuyaymananchik sapallan Churinta ñoqanchikrayku Jehová Diospa qosqanpi (Juan 3:16; 1 Ped. 1:18, 19). Diospas, Churinpas kuyakuwasqanchikpi yuyaymanarisqanchikmi kallpanchawanchik Jehová Diosta alabananchikpaq, munaynin rurananchikpaqpas (2 Cor. 5:14, 15).
3 Kay watapi Jesuspa wañukusqanta Yuyarinaqa kanqa jueves 24 de marzo killapi, Inti seqaykuptin. ¿Imaynatam servicionchikta yapanchikman marzo, abril, mayo killakunapiqa?
4, 5. a) ¿Imaynatam apanku wakin wawqe-paninchikkuna allin willakuykunata achka runakunaman? b) ¿Imam qamta yanapasurqanki llaqtaykipi allinta predicanaykipaq?
4 Lliw atisqaykiman predicay. Servicioman lloqsispaqa lliw atisqaykiman predicay. ¿Allichawaqchu tiempoykita wasin-wasinta predicanaykipaq, runakunapa tarikusqan ratopi, tardentapas otaq tutayaruptinpas? Manaraq estudio de libro qallarichkaptin wakin wawqe-panikuna servicioman lloqsiyta munanku hinaptinqa, estudio de libropi superintendentem allichanqa chay cercapi predicanapaq.
5 Callekunapi, plazakunapi, mercadokunapi predicaspaqa achka runawanmi rimasunchik. Japón nacionpi paninchikmi precursora auxiliar kayta munasqa, tukuy punchaw llamkanayoq kachkaspa. Huk ancianom consejasqa, manaraq llamkananman richkaspa trenpa sayanan cerca callekunapi sapa punchaw predicananpaq. Manchate kaynintapas, wakin pasajerokunapa asipayasqantapas vencespam, yaqa tawa chunka runakunawan rimasqa revistakunata sapa kutipi apananpaq, wakinmi karqa sapa kutin viajaq pasajerokuna, estacionpi llamkaqkuna, hukkunataq comerciantekuna. Yaqa 235 revistakunatam killapi aypusqa. Sapa punchaw pisi minutollata Bibliamanta rimaspam qallarisqa soqta estudiokunata.
6. ¿Imaynatam mozo-sipaskuna Diospaq masta llamkanmanku?
6 ¿Haykapim predicanchikman, imaynata? Escuelapi kaq publicadorkunaqa vacacionpim precursor auxiliar kanmanku. Cristiano mozo-sipaskunapas colegionkupi predicaspam servicionkuta yapanmanku. Kusichisunkichá Bibliamanta willasqaykipi, compañeroykikunapa interesakusqanqa. ¿Predicawaqchu escuelaykipi rimanaykipaq tupasuptiki, imamantapas qellqanaykipaq tareata qosuptikipas? Wakin cristianokunaqa videonchikkunawanmi predicanku. Wakinñataq compañeronkuman estudiota qospa yanapanku, Diosman qokuspa bautizakunankukama. Chaykunata ruraspam Jehová Diospa ‘sutinta alabanchik’ (Sal. 99:3).
7. a) ¿Maypim predicasqa huk wawqenchik? b) ¿Haykallapipas chaynata predicarqankichu?
7 Tukuy tiempopi runamasikiman willay sumaq Diosninchikmanta, promesankunamantawan. Kaq trenkunallapi viajaq cristianom predican, atikuptinqa chay trenpi riqkunaman. Huk trenpa chayamunanta suyaspam mozo runaman sapa punchaw pichqa minutota predicasqa. Chaymi chay mozo runaqa, llamkaq masinpas Bibliata trenpi estudiasqaku. Yuyaq warmipas rimasqankuta uyarispam tiempo risqanman hina hermanota nisqa paymanpas estudio qonanpaq, chaymi paywanpas viajasqan punchawkuna Bibliata trenpi estudiasqaku. Chaynapim kay wawqeqa chunka runamanña trenpi estudiota qosqa.
8. ¿Imaynatam servicionkuta yapanmanku yuyaq wawqe-paninchikkuna, onqosqakunapas?
8 ¿Imaynatam predicawaq yuyaqña kaspa otaq onqosqa kaspapas? Qampas atiwaqmi Jehová Diosta masta alabayta. ¿Haykallapipas predicarqankichu telefonopi? Chayna predicayta mana yachaspaqa, willay estudio de libropi superintendenteman, paymi rimanman chayna predicaqkuna yanapasunaykipaq. Kuska predicaspam yachachinakunkichik, aswan allintapas predicankichikqa.
9. ¿Imaynatam estudiantekunata yanapachwan congregacionwan predicanankupaq?
9 Jesuspa wañukusqanta Yuyarinaman risqankum mosoqkunatapas kallpanchanman Jehová Diosta masta alabanankupaq. Predicanankupaq manchakuyninkuta vencenankupaqmi, willanmanku serviciopi tarisqanku sumaq experienciakunata, as-asllamantataq yachachinmanku Bibliamanta yachachinankupaq, iñiyninkupi allin takyasqa kanankupaqpas (1 Ped. 3:15). Sichus Biblia estudiaq munan predicayta hinaptinqa, willay superintendente presidenteman. Paymi estudiantewan rimanqa, congregacionwan predicanankupaq requisitokunata cumplinchu icha manachu chayta yachananpaq. ¡Anchatachá Jehová Diosqa kusikun mosoqkunapas paypa gobiernonmanta predicaptinku! (Pro. 27:11.)
10. a) ¿Imaynatam allin horario yanapawachwan precursor auxiliar kanapaq? b) Qayna wata Jesuspa wañukusqanta Yuyarina tiempopi, ¿karqankichu precursor auxiliar? ¿Imaynatam rurarqanki?
10 ¿Atiwaqchu precursor auxiliar kayta? Precursor auxiliar kaspaqa cumplinapunim pichqa chunka horata (Mat. 5:37). Chaypaqqa chunka iskayniyoq horata hinam sapa semana predicana. ¿Atiwaqchu precursor auxiliar kayta 5 paginapi mayqan horariowanpas tiempoykita tupachispa? Mana chayna kaptinqa, ¿qam kikikichu horariota rurakuwaq marzo, abril killapi otaq mayo killapipas precursor kanaykipaq? Jehová Diosta mañakuy servicioykipi yapanaykipaq kallpanchakusqaykita bendicinanpaq (Pro. 16:3).
11. ¿Imaynatam ancianokunapas, siervo ministerialkunapas yanapanmanku precursor auxiliar kaqkunata?
11 Ancianokunapas, siervo ministerialkunapas allintam yanapanqaku Jehová Diosta masta alabanapaq Jesuspa wañukusqanta Yuyarina tiempopi kallpanchakusqaykichikta. Paykunapas kallpanchakunqakuchá precursor auxiliar kanankupaq. Ancianokunam allichanqaku predicanapaq horariokunata tardentapas, tutapipas, chawpi semanapipas, semana tukuypipas otaq imay horatapas. Maypi predicanata, haykapi predicanata, pipa umallinanta yachanankupaqmi ancianokuna rimanqaku chay killapi precursor kaqkunawan otaq precursor kay munaqkunawanpas. Ancianokunam rimanqaku predicasqaykichik horapi huk predicaqkunapas qamkunawan kuska predicanankupaq. Chaykuna rurasqankum llapankuta yanapanqa (Pro. 20:18).
12. ¿Imam kallpanchawanchik tukuy tiempopi Jehová Diosta alabananchikpaq?
12 Tukuy atisqaykita kallpanchakuy. Sichus mana atinkichu precursor auxiliar kaytaqa ama llakikuychu, Jehová Diosqa chaskinmi atisqanchikman hina rurasqanchikta, mana atisqanchiktaqa manam mañawanchikchu (2 Cor. 8:12). Anchatam agradecekuna Jehová Diostaqa. Chayraykuchá Davidqa qellqarqa: Jehová “Diosta alabasaq. Paytam ñoqallayqa mana upallaspay yupaychasaq” nispa (Sal. 34:1). Ñoqanchikpas chayta rurasunchik Jesuspa wañukusqanta Yuyarina tiempopi.
[3 kaq painapi recuadro]
Imaynatam servicioykita yapawaq
◼ Wasipi kachkaptinku predicay
◼ Predicay callekunapi, plazakunapi, mercadokunapi
◼ Bibliamanta willay llamkanaykipi, escuelapipas
◼ Predicay telefonopi
◼ Kallpanchakuy precursor auxiliar kanaykipaq
[5 kaq painapi recuadro]
Precursor auxiliar kanapaq horariokuna: Semanapi chunka iskayniyoq horata predicanapaq
Tempranonpi: lunesmanta sabadokama
Huk punchawpa rantinpi domingota lloqsiwaq.
Punchaw Ima hora Hayka hora
Lunes temprano 2
Martes temprano 2
Miércoles temprano 2
Jueves temprano 2
Viernes temprano 2
Sábado temprano 2
Llapanpi: 12
Iskay punchawpi
Semanapi iskay punchawtam akllawaq. (Llamkanapaq akllasqa punchawkunaman hina, killantinpi haypanman 48 horallaman.)
Punchaw Ima hora Hayka hora
Miércoles tukuy punchaw 6
Sábado tukuy punchaw 6
Llapanpi: 12
Iskay tutapi, semana tukuytawan
Semanapi iskay tutatam akllawaq.
Punchaw Ima hora Hayka hora
Lunes tutata 11⁄2
Miércoles tutata 11⁄2
Sábado tukuy punchaw 6
Domingo chawpi punchaw 3
Llapanpi: 12
Kimsa tardepi, sabadotawan
Huk punchawpa rantinpi domingota lloqsiwaq.
Punchaw Ima hora Hayka hora
Lunes tarde 2
Miércoles tarde 2
Viernes tarde 2
Sábado tukuy punchaw 6
Llapanpi: 12
Qam kikiki horariota rurakuy
Tanteakuy sapa punchaw hayka llamkanaykita.
Punchaw Ima hora Hayka hora
Lunes
Martes
Miércoles
Jueves
Viernes
Sábado
Domingo
Llapanpi: 12