Ayllupa horarion: Aylluntin estudianapaq
1 Cristiano tayta-mamakuna, wawaykichikman ima qosqaykichikmantapas aswan allin regaloqa, Jehová Diosta kuyakusqaykichikmanta yachachiymi. Chaytaqa rurawaqchikmi sapa semana “wasipi” aylluwan estudiaspaykichik (Deu. 6:5-7). Religionpa rakisqan ayllupi yachaspa otaq sapallayki wawaykikunata uywachkaspapas, atiwaqmi sapa semanata aylluntin estudiayta, chaynapi wawaykikunata yanapanki Jehová Diosman, qanmanpas anchurinankupaq.
2 Aylluntin estudiota qallarinapaq. Puntataqa yachananku kuskaykichik estudiayta. Sichus manaraq yachankichu haykapi estudianaykichiktaqa, ¿imanasqataq mana aylluykita tapunkichu? (Pro. 15:22.) Wawaykikuna taksallaraq kaptinkuqa, allinchá kanman as-asllamanta semanapi achka kutipi estudianaykichikpaq. Musyay mayqan horario allin kanman qamkunapaq. Churay horata aylluykiwan estudianaykipaq, hinaspa kallpanchakuychik cumplinaykichikpaq.
3 ¿Imatam estudiawaqchik? Wakinkuqa preparakunku Congregacionpi Estudiana Librota otaq Atalayatapas chay semanapaq tupaq yachaykunata. Hukkunataq mozo-sipaskunapaq hina yachaykunata estudianku. Iskay warmi-qari churichayoq tayta, nirqa: “Churiykunaqa sapa semana estudiota imatapas hinaraqmi suyankun, Mi libro de historias bíblicas nisqa libromanta dramakuna rurakusqanraykum. Yachachikuykunata allinta entiendenankuta hinaspa sonqonkuman chayananta aswan allinqa achka parrafokuna estudiaymantaqa”, nispa.
4 Sapa semana estudiaychik. Aylluqa kusikuywanmi estudiota suyanan. Qonqaylla imapas kaptinqa cambiakunmanmi estudiana punchawta, horatapas, ichaqa estudiotaqa ruranallanpunim. Wakin kutipiqa, cambianapaschá kanqa estudiana yachaytaqa. Ichaqa, cambio kaptinpas pisi tiempollapaqmi kanan, chaymantaqa hina horariollaman kutinan. Aylluntin estudianapaq hora cambiaptinqa, taytam mosoq horariotaqa lliw ayllun qawanankupaq sitiopim churanman. Tayta-mamakuna sapa kutipi estudianankupaq kallpanchakusqankuqa kusapunim. Churi-wawaykichikta ‘kasukuqta uywaspaykichik Jehová Diosninchikpa yachachikuyninman hina’, chaynapi qawachinkichik paykunata kuyasqaykichikta, hinallataq Jehová Diosta kuyasqaykichikta (Efe. 6:4).