Ayllupa horarion: punchawpaq texto
1 Kuyakuq tayta-mamakunam kallpanchakunku sapa punchaw allin mikuyta churinkuman qonankupaq. Aswan allinmi ichaqa, Diospa Palabranmanta espiritual mikuy qoyqa (Mat. 4:4). Espiritual yachaykunata wawakuna munanankupaq, hinaspa ‘wiñaspa salvo kanankupaqmi’ yanapana sapa punchawpaq textotawan willasqanta aylluntin leespa (1 Ped. 2:2). ¿Haykapi ruranaykichikpaq kayta churawaqchik ayllupa horarionpi?
2 Mikuna horapi. Punchawpi rurayta qallarinapaq Bibliapi huk textomanta parlayqa, ayllutam yanapanqa tukuy punchaw Jehová Diosta hinalla yuyanankupaq (Sal. 16:8). Huk mamam wawantin desayuno horapi tiemponkuta rakisqaku textota leenankupaq, estudianankupaq, orakunankupaqpas manaraq wawan escuelaman richkaptin. Kay rurasqanmi maqtachata kallpanchasqa bandera adoray nisqa contrapi sayananpaq, huchapakuykunamanta karunchakunanpaq, estudiaq masinkunaman hinaspa profesorkunaman mana manchakuspa predicananpaqpas. Colegiopi sapallan Testigo kaspapas, manam haykapipas llakikurqachu.
3 Tempranopi textota mana leeyta atispaqa, puñuykunapaq mikuna horapipaschá leewaqchik. Hukkunaqa texto leesqankupim predicasqankumanta experienciakunata otaq Biblia leesqankumanta willankunku. Aylluntin mikuchkaspa chayna rimarisqankutam kusikuywan hinaspa kuyakuywan yuyarinku.
4 Manaraq puñuchkaspa. Wakin ayllukunapaqqa allinmi manaraq puñuchkaspa textota leeyqa. Chay ratokunam allin kanman aylluntin Diosman orakunaykichikpaq. Jehová Diosmanta rimasqaykichikta, mañakusqaykichikta uyarispanmi, wawaykichikkunapaq kanqa Diosta rikuchkanmankupas hina.
5 Jehová Dios bendecichun, kallpanchakuspa wawaykichikman cheqap yachachisqaykichikmanta, Examinando las Escrituras diariamente, nisqa folletowan yanapachikuspa.