¿Qawachkanchikchu Diospa palabranta sapa punchaw estudianapaq niq qillqanchikta?

¿Sapa punchawchu ñawinchanki Diospa palabranta sapa punchaw estudianapaq niq qillqanchikta? Mana chayta ruwaspaykiqa, ¿yaqachu kallpanchakuwaq ñawinchanaykipaq? Achkaqmi tempranon ñawinchanku, chaynapi tukuy punchaw yuyaymananankupaq (Jos 1:8; Sl 119:97). ¿Imaynatam astawan yanapachikuwaq? Chaypaqqa, chay textomanta sumaqta yachanaykipaq qaway puntanpi hinaspa qatiqninpi rikuriq versiculokunata. Chaymantapas, yuyaymanaytaq bibliapa mayqan willakuyninwan chay texto tupasqanta. Chaymantañataq yachasqaykita ruwayman churay. Diospa palabranman hina imapaqpas tantiakuspanchikqa saqikuchkanchikmi palabranwan Dios yanapawananchikta (Sl 119:105).

Betelpi llamkaq iñiqmasinchikkunaqa sapa tempranom Diospa palabranta sapa punchaw estudianapaq niq qillqanchikta qawanku. Chaypaqqa huk iñiqmasinchikmi sumaqta yachachin. Chay yachachisqankum JW Broadcasting^® nisqanpi kachkan, tariwaqmi BIBLIAMANTA YACHACHIKUYKUNA niqpi. ¿Sapa kutichu chay yachachisqanku videokunata qawachkanki? Chay videokunaqa sumaqtam yanapasunki. Huknin videom rimachkan Lotpa vidanmanta. Imayna yanapawasqanchikmanta yachaykusun.

AMAYÁ KUYASUNCHU RUNAKUNAPA IMAYNA KAWSAKUSQANKUTAQA (1JN 2:15) NIQ VIDEOTA QAWARUSPA, KAY TAPUKUYKUNAMANTA RIMARIY:

• ¿Bibliapa mayqan yachachikuyninmantataq iñiqmasinchikqa rimarqa?

• Lotpa vidanmanta yachayqa ¿imaynatam yanapawanchik runakunapa imayna kawsasqanta hinaspa imapas ruwasqankuta mana kuyanapaq? (Ge 13:12; 14:12; 19:3, 12, 13, 24-26).

• ¿Imaynatam qawachinchik runakunapa imayna kawsakusqankuta mana kuyasqanchikta, aswanqa Jehova Dios kuyasqanchikta?