Anchata chaninchasun qellqanchikkunata
1. ¿Imaynatam Jesuspa rurasqanta qatipakuchwan?
1 Jesucristo milagrota ruraspan runakunata mikurachispanmi, kamachirqa puchuqninkunata huñunankupaq (Mat. 14:19-21). Chayna rurasqanwanmi Jesusqa yachachiwanchik Jehová Diospa allin yuyayniyoq confianza sirviententakama tukuy qowasqanchikta mana usuchinanchikpaq. Huk rimaypiqa niwachkanchikmi ‘agradecekuq’ kananchikmanta (Col. 3:15; Mat. 24:45-47; Luc. 12:42).
2. ¿Imatam rurachwan revistanchikkuna mana montokurunanpaq?
2 Revistakunamanta: Wakinninchikpam chaylla revistakunaqa montokurun. Hinaptinqa, ¿imatam rurachwan? Sichu killan-killan chaskisqanchik revistakuna puchuwaptinchikqa, hayka chaskisqanchiktam menosyachichwan. Ichaqa, ¿imatam rurachwan chay montokuruq revistakunawan? Chay pasaruq revistakunapa yachachikuynin allin kasqanraykum, congregacionpi predicacionmanta encargakuq ancianota otaq huk ancianotapas tapukuchwan chay revistakunawan imayna predicanamanta.
3, 4. Bibliamanta qellqakunata mañakuspaqa, ¿imakunatam mana qonqananchikchu?
3 Wakin qellqakunamanta: Sapa killa ima qellqakunawan predicananchikpaq cambiakuptinqa, puntataqa wasikipi maskay chay qellqakuna ichapas kasqanta. Predicanaykipaq pisilla kaptinqa astawanmi mañakuwaq. Ama hina kaspa, semanapaq kamaqllata mañakuy, tukuruptinña astawanqa mañakuy.
4 Kikikipaq ima qellqatapas mañakuspaykiqa necesitasqallaykita mañakuy. Sutinchikta qellqanapaq kaqpi sutikitawan may congregacionpi kasqaykita qellqay, chaynapim qampa kasqanta yachanki. Chaymantapas CD-ROM Watchtower Library, nisqata servichikuspaqa otaq watantin revistaykikuna kaptinqa, manañachá mañakunkichu libro hina kaq Atalaya chaynataq ¡Despertad! revistakunataqa.
5. Qellqanchikkunata runakunaman qospaqa, ¿imatam mana qonqananchikchu?
5 Qellqakunata runakunaman qospa: Runakunaman predicaspaqa kallpanchakunchikmi, Diosmanta yachay munaqkunallaman qellqanchikkunata saqenanchikpaq. Amayá qonqasunchu qollqenchikwan kay suma-sumaq qellqanchikkuna rurakusqantaqa. Chayna kaptinpas qellqanchikkunata Biblia estudiaqkunaman qospanchikqa, nichwanmi enteron pachapi predicakunanpaq atisqankuwan yanapakunankupaq.
6. ¿Imanasqataq anchata chaninchanchik qellqanchikkunata? Chayrayku, ¿imatam rurananchik?
6 Jesus milagrota ruraspan runakunata mikuchispanpas, astawanmi kallpanchakurqa Diosmanta yachachinanpaq. Nirqataqmi: “Runaqa kawsanqa manam mikuyllawanchu aswanqa Diospa llapa rimasqankunawanmi”, nispa (Mat. 4:4). Qellqanchikkunaqa wiñay kawsayman apaq cheqap yachachikuykunamantam willakun (Juan 17:3). Chaynaqa, ¡amayá usuchisunchu!