Doctorkunapa sumaq llamkay munasqankuta qawachiq video
Ley yachaq Abogadokuna hinaspa Doctorkunapas sapa kutim aswan allin kaqta rurachkanku onqoqkunata yanapanankupaq derechonta respetaspanku. Chayraykum, Jehová Diospa testigonkunapa allinninpaq Doctorkuna mosoq yanapakuyta rurachkanku (Hech. 15:28, 29). Chayna sumaq yanapakuykunam kachkan Asistencia médica sin transfusiones. Necesidades y derechos del paciente nisqa videopi. Haway hinaspa yuyariy yachasqaykikunata. Cuentata qokuy videopiqa kachkanmi operachkaq Doctorkuna, chaynaqa ruegakamunikum uchuy warmachayoq tayta-mamakunata cuidadowan qawanakupaq.
(1) ¿Imanasqataq wakin Doctorkuna kaqmanta yuyarichkanku yawarwan servichikuymanta? (2) Willakuy kimsa ejemplota sasa operación rurakusqanmanata mana yawarllawan. (3) ¿Hayka Doctorkunam hinaspa operaqkunapiwan mana yawarta churaspalla onqoqta operayta munanku? ¿Imanasqam rurayta munanku? (4) ¿Achka hospitalkunapi yawar churaymanta estudiaspanku imatam yacharunku? (5) ¿Ima sasachakuykunataq kanman Doctorkuna onqoqman yawarta churaptinku? (6) ¿ Imatam tantearunku yachaysapa Doctorkuna yawarpa rantinpi sumaq yanapakuykunawan servichikunamanta? (7) ¿Imanasqataq anemia onqoy hapikun? ¿Unaytachu cuerponchik aguantanman anemia onqoyta? ¿Imatam rurachwan allinyananchikpaq? (8) ¿Imawantaq yapachichwan onqoqpa yawarninta (glóbulos rojos) nisqata? (9) ¿Operachkaptinku imakunam yanapanman yawar mana usunanpaq? (10) ¿Allinchu kanman kay yanapakuykuna onqoq warmapaq, otaq pipas llumpay onqosqa tarikuptin? (11) ¿Imataq kanman ancha allin, Doctorkuna allinta atendenankupaq? (12) ¿Imanasqam allin kanman cristianokuna ñawpaqmantaraq nichwan mana yawarllawan hampichikuy munasqanchikta? ¿Imaynatam rurachwan?
Sapakama cristianom akllanan Bibliapa yachachisqa conciencianwan videopi rikusqanman hina mayqen yanapakuy chaskiy munasqanta. ¿Sichum yawarta mana churachikunkichu tantearunkiñachu mayqan yanapakuytam kikikipas hinaspa wawa-churikikunawan chaskinaykipaq? Mana Jehová Diospa testigon kaq aylluykikunapas allintam yachananku tanteakusqaykita hinaspa imanasqa chaynata tanteakusqaykitapas (Haway “Preguntas de los lectores” nisqata La Atalaya 15 de junio 2004 hinaspa 15 octubre 2000).