¿Doctorkunapa imayna hampiyninkutaq ancha allinqa?
“Mana yawarllawan operachikuspa lliw hampichikuqkunaqa sumaqtam hampichikuchkanku.” Kaynatam anestesiologo hinaspa doctor Michael Rose nirqa. ¿Imakunatam yachananchik “mana yawarllawan operachikuspa hampichikuymanta”? Kay yachayninchikqa ancha allinmi, chaynapim allinta yachaspanchik imayna hampichikunapaq otaq operachikunapaq tanteakusun. Qawariy La negativa a la sangre. La medicina acepta el reto, nisqan videota hinaspañataq kay tapukuykunawan entiendesqaykita allinta musyariy. Kay videopim ichaqa wakinpiqa qawakun doctorkunapa imayna operasqanku, chaymi tayta-mamakunaqa tanteananku sichu warmallaraq wawankunawan qawanqakuchu icha manachu.
(1) ¿Imaraykum puntataqa Jehová Diospa testigonkunaqa yawartaqa mana chaskinkuchu? (2) ¿Imatam Jehová Diospa testigonkuna hampichikuymanta munanku? (3) ¿Ima derechontaq hampichikuqpa kapun? (4) ¿Imatam qawachin mana yawarllawan imayna hampichikunapaq tanteakuyninchik? (5) Operachikuqpa yawarnin llumpayta usuptinqa, ¿ima iskay kaqkunatam doctorkuna chaylla ruranmanku? (6) ¿Ima tawa kaqkunatam doctorkuna ruranmanku mana yawarllawan operanankupaq? (7) Doctorkuna operaptinku, ¿imatam ruranmanku a) yawar mana llumpayta usunanpaq, b) glóbulos rojos nisqan hinalla kananpaq, c) yawarta mirachinankupaq, hinaspa d) usuchkaq yawarwan? (8) ¿Ima ninantaq hemodilución nisqan, hinaspa recuperación de sangre nisqanpas? (9) Mana yawarllawan operachikunayki kaptinqa, ¿imatam yachanayki imayna operachikunaykimanta? (10) ¿Atinmankuchu doctorkuna mana yawarllawan operayta sasaniraq hinaspa unaypaq kaptinpas? (11) ¿Ima allinkunatam doctorkuna hampiypi haypachkanku?
Kay videota qawaykuspa imayna operakuspa hampichikuymantaqa, sapakama cristianom Bibliapa nisqanman hina conciencianpi tanteakunan. Operakunayki kaptinqa, ¿tantearunkiñachu mana yawarllawan imayna operachikunaykipaq, chaynataq wawa-churiykikunapaqpas? Mana iñiq aylluykikunapas chayna tantearusqaykimantam allinta yachananku hinaspa imarayku chayna tanteakusqaykimantapas (qawariy “Pregunta de los lectores” 15 de junio 2004 hinaspa 15 de octubre 2000 La Atalaya revistapa nisqanmanta).