¿Chaymantaña ruranaykipaqchu saqechkanki?
¿Imamantataq rimachkanchik? Consentimiento Informado para atención Médica (CIAM) nisqa tarjetata imayna huntanamanta, kay tarjetaqa Jehová Diospa Testigon hina bautizasqakunallapaqmi. Manam yachanchikchu ‘paqarin punchaw imam pasaruwananchiktaqa’ chaymi allinpuni kanman ñawpaqmantaraq manaraq imapas pasawaptinchik allinta tanteaspa qellqayqa imaynatam doctorkuna hampiwananchikpaq otaq operawananchikpaqpas (Sant. 4:14; Hech. 15:28, 29.) Chaymanta tanteakunapaqmi rurasqa kachkan Asistencia médica sin transfusiones. Necesidades y derechos del paciente nisqa video. Chay videota qaway hinaspa oracionta ruraspa, qateqnin tapukuykunawan yachaspa entiendesqaykiman hina allinta tanteakuy. (videopiqa rikunkim operachkaq doctorkunata, chaynaqa ruegakamunikum tayta-mamakuna uchuy warmachanku qawanakupaq tanteanankuta).
(1) ¿Imanasqataq wakin doctorkuna kaqmanta estudiachkanku yawarwan servichikuyqa allin otaq mana allin kasqanta? (2) Willay kimsa ejemplota sasa operacion rurakusqanmanta yawarwan mana servichikuspa. (3) ¿Hayka doctorkunataq hinaspa operaqkunataq yawarta mana churaspa onqoqkunata operayta munanku? ¿Imanasqam chay rurayta munanku? (4) ¿Imatam achka hospitalkunapi yawar churaymanta estudiaspanku chayraq yacharunku? (5) ¿Ima sasachakuykunataq kanman doctorkuna onqoqman yawarta churaptinku? (6) ¿Imatam tantearunku yachaysapa doctorkuna yawarpa rantinpi sumaq yanapakuykunawan servichikuymanta? (7) ¿Imanasqataq anemia onqoy hapikun? ¿Unaytachu cuerponchik aguantanman anemia onqoyta? ¿Imatam rurachwan allinyananchikpaq? (8) ¿Imawantaq yapachichwan onqoqpa yawarninpi eritrocitos(glóbulos rojos) nisqata? (9) ¿Imakunam yanapanman operachkaptinku yawar mana usunanpaq? (10) ¿Allinchu kanman kay yanapakuykuna onqoq warmapaq, otaq pipas llumpay onqosqa tarikuptin? (11) ¿Imataq ancha allin kanman doctorkuna allinta atiendenankupaq? (12) ¿Imanasqataq cristianokuna ñawpaqmantaraq nichwan mana yawarwan hampichikuy munasqanchikta? ¿Imaynatam rurachwan?
Sapakama cristianom akllakunan Bibliapa yachachisqanman hina videopi rikusqanta mayqan yanapakuyta chaskinanpaq. ¿Ñachu tanteakurunkiña mayqan yanapakuytam kikiyki hinaspa churikikunapas chaskinankupaq? Astawan yachayta munaspaqa qaway La Atalaya 15 de junio 2004 hinaspa 15 octubre 2000 “Preguntas de los lectores” nisqanta. Chaymantapas noviembre 2006 Reinopaq Servicionchikpa suplementonpi “¿Qué opino de las fracciones sanguíneas y de los procedimientos médicos que impliquen el uso de mi sangre?” nisqanmantapas. Jehová Diospi mana iñiq aylluykikunapas chaynataq rantiykipi rimaqkunapas allintam yachananku imanasqam chaynata tanteakusqaykitaqa.