Jehová Diospa piñakuynin punchawta qawan-qawanllayá suyasunchik
1. ¿Imataq asambleapa sutin, hinaspa imanasqam allin chayna sutichakusqan?
1 “Allinlla arreglaq Diosmi Tayta Diosqa. ¡Mayna kusisqam llapallan paypi suyaqkunaqa!”, chaynatam Isaías qellqarqa. (Isa. 30:18b.) Bibliapim achka willakuykunata tarinchik imayna Jehová Dios enemigonkuna castigasqanmanta hinaspa imayna allin siervonkuna salvasqanmantapas. ¿Imakunatam yachachiwanchik kay willawasqanchikkuna Jehová Diospa siervonkunaman? ¿Imakunatam rurachkanachikña “manaraq Tayta Diospa hatun castiganan punchawnin chayamuchkaptinqa”? (Joel 2:31, 32.) Hamuq Distrito Asamblea “Librakuyninchikqa hichpamuchkañam” tanqawasun kay tapukuykunapi yuyaymananapaq hinaspa imayna kasqanchikta qawakunanchikpaqpas. Chaymi yanapawasun Jehová Diospa piñakuynin punchawta qawan-qawanlla suyananchikpaq.
2. ¿Imaynatam qawachichwan distrito asamblea kananmanta agradecekuyninchikta?
2 ¿Ñachu arreglokunata rurarunkiña kimsantin punchaw asambleapi kanaykipaq? Ejemplopaq: ¿Nirqankiñachu patronnikita asambleaman rinaykipaq tiempota qosunaykipaq? Ama suyaychu kikillanmanta allichakunantaqa. Jehová Diosta mañakuspa patronnikiman asuykuy (Neh. 2:4, 5). Chaymantapas manam asamblea chayamunantaraqchu suyananchick pasajenchik huñunapaq, maypi samapakunapaq otaq huk rurayninchikkunapaqpas. Allin arreglo rurasqanchikmi qawachin cheqap agradecekusqanchikta Jehová Diospa sumaq yachachikuyninkunamanta. Ancianokunam kallpanchakunanku asambleaman rinapaq sasachakuqkunata yanapanankupaq, aswanmi congregacionpi yuyaqña wawqe-paninchikkuna kaqkunata (Gál. 6:10).
3. ¿Ima sumaq kayniykunatam Jehová Diospa llaqtan qawachinan asamblea llaqtapi?
3 Allin portakuyninchikmi Jehová Diosta hatunchan: Hatun huñunakuykunapi imayna distrito asambleakunapi huñunakuptinchikmi, allin portakuyninchik asamblea llaqtapi kaqkunata qawachinqa allin cristiano kasqanchikta. ¿Imatam rurananchik kayna kananpaq? Hatun samana wasipi, mikuna lawpi hinaspa asamblea waqtanpi rantipakuqkunawan parlaptinchikmi allinta sientekunanku sumaq cristiano kayninchikwan, pacienciayoq, llampu sonqoyoq, imapipas controlakuq hinaspa allin piensaq kasqanchikmanta (Gál. 5:22, 23; Fili. 4:5). Kuyakuyninchikqa “manam penqaypaq ruraqchu, manam kikillanpaq munaqchu, manam piñakuqchu, nitaqmi cheqnikuqchu”, chayna kuyakuytam llapallanchik qawachinanchik. Imaymana sasachakuykuna kaptinpas, munanchikmi imatapas rurayta “Dios honrasqa kananpaq” (1 Cor. 10:31; 13:5).
4. ¿Imatam rurananku tayta-mamakuna churi-wawankunapa portakuynin Jehová Diosta hatunchananpaq?
4 Asamblea tukuytam, hatun samana wasipa dueñon llumpay admirasqallaña kasqa mozo-sipasninchikkunapa sumaq portakuyninmantawan allichapakuyninmanta hinaspam nirqa, “Jehová Diospa testigokunatam sapakuti samachiyta munani”. ¡Maynatam kusichiwanchik kayna rimaykuna! Chaymi qawachin cristiano tayta-mamakuna churi-wawankunata allin uywasqankuta. Tayta-mamakunaqa manam churi-wawankutaqa mana yachachispaqa saqenankuchu. Sapakutim warmakunaqa tayta-mamankunapa anyasqan kananku (Pro. 29:15). Allin portakuyninyá Jehová Diosta hatunchachun hinaspa Sonqontawan kusichichun (Pro. 27:11).
5. ¿Imaynatam Jehová Diosta hatunchachwan pachakuyninchikpiwan allichapakuyninchikwanpas?
5 Diospa munasqanman hina pachakuyninchikpiwan allichapakuyninchik: Sapakamam yanapakuchwan asambleanchik sumaqllaña qawakunanpaq mana penqaypaq pachakuspa, mana llumpayta allichapakuspa nitaq huk ruraykunapaq hina pachakuspa. Kay yachachikuytam yuyarinanchik asambleaman rispa, kutimuspa, maypi asamblea rurakunanta allichaspa hinaspa hina asambleapiña kaspapas. Diospa siervonkunaqa manam kikillankupa munasqankutachu maskanku aswanqa Jehová Diospa sutin chuyanchasqa hinaspa kikin hatunchasqa kanantam munanku. Ayllukunapi uma kaqkunam segurakunanku ayllunkupa allichapakuynin Diospa munasqanman hina allin yuyaywan hinalla kananpaq (1 Tim. 2:9).
6. ¿Imaraykutaq asambleapaq hina allichapakunanchik mayta rispapas?
6 Hina chaynallam allichapakuyninchik kanan samana wasikunapi, tiendakunapi, hinaspa mikuna lawkunapipas. Asamblea tukuytaña mikuna lawman lloqsispaqa, allinmi kanman hina asamblea pachanchikwan riyqa. Chaymantapas, qasqonchikpi tarjetacha apasqanchikmi predicanapaq yanapawasun (2 Cor. 6:3, 4).
7. ¿Imaynatam yanapakuchwan asambleanchik sumaqta apakunanpaq hinaspa kusichiwananchikpaqpas? (Qawariy “Distrito asambleapaq yuyarichiykunata”.)
7 Isaiasmi nirqa: “Chaywanpas Tayta Diosqa suyasuchkankichikmi llakipayasunaykichikpaq. Chayraykum payqa rikurimun kuyapayariykusunaykichikpaq” (Isa. 30:18a). Jehová Diospa llakipayakuyninmanta hinaspa allin sonqoyoq kayninmanta agradecekuyninchikmi tanqawasun distrito asambleakunapi hatunchananchikpaq portakuyninchikpiwan allichapakuyninchikwanpas. Suyanchikmi kay Distrito Asamblea “Librakuyninchikqa hichpamuchkanñam” Jehová Diosta hatunchananpaq hinaspa yanapawananchikpaqpas Diospa piñakuynin punchawta qawan-qawanlla suyananchikpaq.
[5 kaq paginapi recuadro]
Distrito asambleapaq yuyarichiykuna
◼ Ima hora kananmanta: Asambleaqa kimsantin punchawmi 9.30 a.m qallarinqa, rurakunan lawpa punkunmi ichaqa kicharayachkanqaña 8.00 a.m. Manaraq huñunakuy qallarichkaptinmi asamblea qallariq wawqenchik ñawpaqpi tiyanqa, Reinomanta takikuna uyarikuchkaptinraq. Chayta uyarispam llapallanchik tiyananchikña respetowan asamblea qallaykunanpaq. Qallariq punchaw huñunakuymi 5.15 tardeta tukunqa, iskay kaq punchawñataq 5.05 tardeta, kimsa kaq punchawñataqmi 4.10 tardeta.
◼ Maypi carrokuna kananmanta: Carrokuna sayanan law mana hatun kasqanraykum, huk carrollapi achka rinmanku sapakama carrokunapi huklla otaq iskaylla rinankutaqa.
◼ Tiyananchikkuna rakinamanta: Ñoqanchikwan kuska asambleaman riqkunallapaqmi tiyanataqa rakinanchik otaq hina wasillapi yachaqkunapaqpas.
◼ Mikunanchikmanta: Ama hina kaspa mikunaykita asambleapaq apakuy —tiyanaykipa ukunpi kamaqllatam qoqawnikitaqa apawaq—, hawapi samana hora mikuna rantinaykimantaqa. Manam apanachu hatun qepikunata, pakina kaqkunata nitaq sinkanapaq hina yakukunatapas.
◼ Qollqewan yanapakuymanta: Distrito asambleapiqa achkam gastokuna, chaymi agradecekusqanchikta qawachichwan sonqomanta qollqenchikta qospa allpantinpi predicacionta yanapanapaq, Salonpi qospa otaq hina asambleapipas.
◼ Desgraciakunamanta: Asambleapi qonqayllamanta pipas onqoruptinqa acomodador kaqmanmi willakuna, payñataq Departamento de Primeros Auxilios nisqaman willanqa, paykunañataqmi tarikusqanman hina yanapanqaku.
◼ Mana allin uyariqkunapaq: Wakin asambleakunapiqa discursokunam radiopi (FM) uyarikunqa asambleapa muyuriqninpi. Chayna kaptinqa asamblea qallariytam willakunqa. Kay arreglowan servichikunaykipaqqa taksa radiotam apamuwaq rinrillaykipi uyarinaykipaq.
◼ Grabadorakunamanta: Grabadorata apaspaqa manam asamblea kaqpa corrientemanqa hapichinaykichu nitaq hukkunapa uyarisqankutaqa pantachinaykichu.
◼ Fotokuna horqoymanta: Fotota horqoyta munaspaykichikqa ama llipitiyachispayá horqoychik.
◼ Teléfonos celulares nisqankumanta: Asambleapi uyariqkunata mana pantachinapaqmi allinta programananchik.
◼ Sírvase visitar nisqan formulariokunamanta: Sírvase visitar (S-43) nisqan formulariopim yachay munaqkunapa sutinta qellqananchik asambleapi predicaptinchik. Kay qellqasqanchik formulariokunatam congregacionpi secretario wawqenchikman haywananchik asambleamanta kutimuspa (Qawariy febrero 2005 Reinopaq Servicionchikpa 6 paginanta).
◼ Samapakuymanta: Wasinchikpi samachiyta munaspaqa congregacionpi secretario qawqenchikwanmi rimachwan hinaspam samapakuymanta formulariota qellqananchik. Huk llaqtapi asambleaman rispayki hinaspa samapakuyta necesitaspaykiqa congregacionpi secretario wawqenchikwanmi rimanayki hinaspam samapakuymanta huntasqa formulariota haywanayki, payñataqmi asamblea apakusqan llaqtapa oficinanman apachinqa. Manam asamblea chayamunantaraqchu suyanayki samapakuyta mañakunaykipaqa, samapakuymanta llamkaq wawqenchikkunatam sasachachwan (1 Cor. 14:40). Churi-wawankunawan kuska samapakuyta chaskiqkunam samachiqpa wasinta respetanan hinaspam mana imantapas hapinankuchu nitaq mana yaykuna kaqmanpas yaykunankuchu. Ama qonqasunchu, samapakuna wasiqa asamblea punchawkunallapaqmi. Manam allinchu kanman maytapas rinapaq achka punchawkuna samapakuyqa otaq imanchikuna ruranapaqpas.