Huñunakunapaq Salonkuna rurayqa: Jehová Diospaq sumaq llamkaymi
1. ¿Imakunam rurakurqaña Huñunakunapaq Salonkuna hatarichiypi, ichaqa imaraqmi necesitakuchkan?
1 Predicananku lawpi Ecuador, Perú, Venezuela hinaspa Colombia nacionkunapim rurakurqa 505 Huñunakunapaq Salonkunata, 150 Salonkunatañataqmi sumaqyachirqaku pichqa wata pasayta. Anchatam agradecekuniku ancha llamkasqankumanta Grupos de Construcción de Salones del Reino nisqanta hinaspa yanapaqninkunatapas. Achka Salonkuna rurakuruptinpas, achkaraqmi kachkan ruranapaqqa. Chaynaqa, ¿Jehová Diosta serviyninchikpi, imaynatam Salonkuna ruraypi yanapakuchwan? (Rev. 7:15.)
2. ¿Imatam ruranayki Huñunakunapaq Salonkuna ruraypi yanapakunaykipaq?
2 Yanapakuy munasqanchikta qawachisun: Bautizasqa kaptikiqa, Solicitud para el programa de voluntarios de construcción de Salones del Reino niqtam huntawaq chaynapi Grupos de Construcción de Salones del Reino nisqanpi yanapakunaykipaq (Sal. 110:3). Chaypi llamkay munaqkunam sonqomanta llamkananku hinaspam huk sonqolla kananku (Sal. 133:1). Mana wasikuna rurayta yachaspapas, allintam yanapakunmanku Salonkuna ruray allin lloqsinanpaq. Chaymantapas hamuq tiempokunapi sumaqta yanapakunaykipaqmi yachachisqapas kawaq.
3. ¿Imaynatawanmi qawachichwan kay llamkaypi yanapakusqanchikta?
3 Mana chaypi llamkayta atispaykiqa, yanapakuwaqmi atiqkunata kallpanchaspayki. Ichapas Salonkuna hatarichiypi llamkaqkunamanta qamña congregacionpi llamkayninkunata rurawaq. Allin arreglokunata ruraspam, ancianokuna kallpanchakunanku congregacionpi wawqe-paninchikkuna mana sientekunankupaq pipas Salonkuna rurananpaq congregacionmanta lloqsiptin. Jehová Diosmi kusikun llapallanchik yanapakuptinchik Munaychakusqan aswan reqsisqa kananpaq (Heb. 13:16).
4. ¿Imaynatam allinta sientechichwan Salonkuna ruraypi llamkaqkunata?
4 Kallpanchaqkuna kasun: Yupaychanapaq wasikuna ruranapaqqa tiempotam horqonanchik hinaspam kallpanchakunanchik. Chaymi, llamkaqkunaqa wakin huñunakuyninkunamanqa ichapas mana atinqakuchu riyta. Chaynaqa salonkuna ruraypi ancha llamkasqankumantayá sapa kuti kallpanchasun, ‘makinkupi’ hatun llamkay kasqanrayku. (Hech. 6:3; Rom. 14:19).
5. ¿Salonkuna ruraypi llamkaqkuna, imata ruraspankum rikuchinku rurayninkuna mana seqesqankuta?
5 Rurayninchikkunata mana saqespa: Jehová Diosta yupaychayninchikpi punta rurayninchikqa Munaychakusqanmanta predicaymi (Mar. 13:10). Chayta yuyarispankum Comités Regionales de Construcción nisqan wawqenchikkuna, kallpanchakunku arreglota ruranankupaq llamkaqkuna mana huñunakuyninkuman faltakunankupaq. Chaymantapas salonkuna ruraypi llamkaqkunam kallpanchakunanku achka rurayninkunata mana saqenankupaq. Hina paykunam allin arreglota rurananku hinaspam segurakunanku congregacionpi rurayninkuna allin atiendesqa kananpaq mana huñunakuypi kaptinku.
6. ¿Ima allinkunataq kanqa congregacionpi llapallanchik Jehová Diospaq llamkaptinchik?
6 Apostol Pablom nirqa congregacionpi kaqkunaqa huñullam llamkanku ‘kuyakuywan kallpanchakuspa sumaqta wiñanankupaq’ (Efe. 4:16). Jehová Diosta kuyayninchik hinaspa cheqap yupaychayninchikmi tanqawanchik Diosmanta allin noticiakunata predicanapaq hinaspa Salonkuna ruraypi yanapakunapaqpas.