¿Atiwaqchu astawan yanapakuyta?

Diosmanta willakuq Isaiasmi nirqa achka runakuna Jehova Diosman asuykunankumanta (Is 54:2). Chayraykum huñunakunapaq wasikunata, hatun huñunakuyninchikkunapaq wasikunata hinaspa betel wasikunata ruwana. Chaymantañataqmi chay wasikuna sumaq kananpaq qawana, imapas allichana kaptinñataqmi allichaykuna. Atichwanmi tukuy chaykunapi yanapakuytaqa.

• Yanapakuchwanmi huñunakusqanchik wasi pichaypi.

• Iñiqmasinchikkunapas yachachiwachwanmi huñunakusqanchik wasi allichayta.

• Yanapakunapaqqa huntachichwanmi Solicitud de voluntario local de diseño y construcción (DC-50) niq papelta, chaynapi huñunakuna wasikunata ruwaypi utaq allichaypi yanapakunanchikpaq.

• Huntachichwantaqmi Solicitud para el programa de voluntarios (A-19) niq papelta, chaynapi betel wasipi iskay-kimsa punchaw utaq semanantinpas yanapakunapaq.

RUWASUNMI VIDEOKUNA GRABANANCHIK BETEL WASITA (PARTELLAN) NIQ VIDEOTA QAWARUSPA, KAY TAPUKUYKUNAMANTA RIMARIY:

• ¿Imatam ruwachkanchik 2014 watamanta?

• ¿Imatam Diospa llaqtanpi punta apaqkunaqa tantiarunku videokunata hinalla ruwanankupaq? ¿Haykapim videokunata ruwanankupaq wasikunata ruwayta qallaykunqaku hinaspa haykapim tukunqaku?

• ¿Hayka iñiqmasinchikkuna yanapakunantataq munachkanku? ¿Hayka punchawtataq yanapakuyta atinmanku?

• ¿Imanasqataq papelta huntachinanchik huñunakuna wasikunata utaq betel wasita hatarichiypi yanapakuyta munaspaqa?

• ¿Imataq sutillata qawachin videokunata ruwanapaq betel wasita ruwananchikta Jehova Dios munasqanta?

• ¿Imatam ruwachwan videokunata ruwanapaq betel wasi ruwaypi yanapakuyta mana atispapas?