Septiembre killapim munachisun sumaq yachachiyniyoq ¡Despertad! revistata
1 Yaqa lliw runakunam urpituchakunapa takisqanwan hinaspa sumaqllaña inti seqaykusqanwanpas kusikunku. Ichaqa achka runakunam ninku tukuy unanchaq kuyakuq Dios mana kasqanta. Ñoqanchikpaqmi kanqa sumaq arreglo Unanchaq Jehová Diosmanta rimananchikpaq sumaq yachachiyniyoq ¡Despertad! revistata aypuspanchik (Isa. 40:28; 43:10). Rimachkanchikqa septiembre killapaq revistamantam; kay revistam “¿Existe un Creador?” (¿Unanchaq Dios kanchu?) nisqan yachachikuyllamanta rimachkanqa.
2 Predicananchik lawpi: Atispaykiqa, sapa sábado punchawpaq arreglota rurakuy wasin-wasin congregacionnikiwan predicanaykipaq. Munaspaykiqa, semanapi ima punchawpas munachiwaqmi chay revistataqa. Segurochá chay revistaqa interesanqa profesorkunata hinaspa paykuna hina yachachiypi lliw llamkaqkunatapas. Chaynaqa, predicananchik lawpi wakin profesorkuna yachaptinkuqa, arreglotam rurachwan watukunapaq.
3 Yachayta munaptinqa, huk tapukuyta ruray huknin watukusqaykipi kutichinaykipaq. Tapuwaqmi, imaynatam allinta reqsichwan Unanchawaqninchikta. Kutispaykiñataqmi qawachiwaq ¿Imatam Dios munan ñoqanchikmanta? nisqan folletopa 2 leccionninpa 6 parrafonta. Otaq rimawaqmi imatam Dios munan Allpapaq yachaymanta, kutispaykiñataq qawachiy 5 leccionpa nisqanta.
4 Escuelapi: Escuelapi kaspaykiqa, ¿imanasqataq mana regalaykunkichu chay ¡Despertad! revistata estudiaqmasikikunaman hinaspa profesornikikunamanpas? Mesaykipa hawanpi chay revistata saqesqallaykiwanmi ichapas tapusunkiman imakunapi iñisqanchikmanta. Ichapas iñiynikimanta rimawaq kay revistata servichikuspayki profesornikikuna rimanapaq mañakuptinku otaq tareaykikunata ruraptikipas. Kaynata ruranaykipaqmi, kay revistapi kay tapukuy tarikun “¿Cómo puedo defender la existencia del Creador?” (¿Imaynatam Unanchaq Dios kasqanmanta allinta rimayman?) “Los jóvenes preguntan...” nisqanpi.
5 Tukuy unanchasqanmantam Jehová Diosqa yupaychaytawan hatunchayta chaskinan (Apo. 4:11). Kusikuywan septiembre ¡Despertad! revistata munachispaqa Unanchawaqninchiktam hatunchayta atichwan hinaspa hukkunatapas yanapachwanmi kaqllata ruranankupaq.