¡Kallpanchakuy noviembre killapi sapaq yachachikuyniyoq ¡Despertad! revistawan predicanapaq!
1 Achka runakunam Bibliaqa allinpaq kasqanmanta kaynata tapukunku: “Runakuna qellqaptinkuqa ¿imanasqataq Diospa Palabran nispa sutichanku? ¿Imanasqataq nisqanta qatikuyman? ¿Allinchu kanman leenaypaq chaynataq estudianaypaq kallpanchakuspay tiempochakusqayqa? ¿Pipa tikrasqantataq leeyman?” nispa. Chaykunamantam yachachinqa noviembre killapaq sapaq yachachikuyniyoq ¡Despertad! revista. Qaranpim ninqa “¿Se puede confiar en la Biblia?” nispa.
2 Achka runamasinchikkunamanmi predicananchik lawpi kay sapaq yachachikuyniyoq revistawan predicananchik. Chaymi kallpanchamuykiku noviembre killapi congregacionwan sapa sabado predicanaykipaq. Qawachiwaqmi aylluykikunaman, vecinoykikunaman, llamkaqmasikikunaman, profesorkunaman, estudiaqmasikikunaman chaynataq watukusqaykikunamanpas. Chaymantapas rantipakuq rispa otaq illaspaykipas ama qonqaychu revistaykikunata apayta. Congregacionpi ancianokunaqa ñam mañarunkuña astawan llapallanchikpaq achka revistakuna kapuwananchikpaq.
3 Kallpanchakuy Bibliamanta estudio qonaykipaq: Revistata pipas chaskiwaptinchikqa manaraq rimayta tukuspayki Bibliamanta estudiota qonaykipaq hina kallpanchay. Niwaqmi: “Yapata kutimuspayqa ¿imapaqsi Diosqa kay Allpata unanchasqanmanta?, Bibliawan willaykimanmi” nispa. Kutispaykiqa Imatam munan nisqa folletopi 5 kaq yachachikuypi 1 hinaspa 2 kaq parrafota estudiay. Chaymantapas niwaqmi: “Yapata kutimuspayqa yachachiykimanmi Bibliapi huk willakuy kay tiempopi cumplikusqanmanta” nispa. Kutispaykiqa folletopa 6 kaq yachachikuyninpi 4 kaq parrafonta estudiay. Niwaqtaqmi: “Achkaqmi sasachakunchik Bibliata entiendeypiqa. Chaymi huk punchaw kutimuspay yachachiykiman imaynatam Bibliata leesqaykiwan astawan servichikuwaq” nispa. Runamasikiman kutispaqa Imatam munan nisqa folletota qawachiy hinaspa imayna estudiana kasqanta yachachiy.
4 Bibliallapim Diospa ‘yachachikuyninkunaqa’ kachkan chaymá yanapawasunchik yachayniyoq kaspa ‘salvakunanchikpaq’ (2 Tim. 3:15). Llapallanchikmá kusisqalla kay sapaq yachachikuyniyoq ¡Despertad! revistawan predicayta munanchik, kaymi achka runakunata yanapanqa Bibliapa nisqanpi confianankupaq.