Allintapuni servichikuy predicacionman lloqsinapaq huñunakuyta
1. ¿Imaynatam yanapawanchik predicacionman lloqsinapaq huñunakuykuna?
1 Predicacionman lloqsinapaq huñunakuykunam allinta kallpanchawanchik hinaspam allin yanapakuykunatapas qowanchik manaraq predicacionman lloqsichkaptinchik. Wawqe-paninchikkunawan predicacionpi llamkaptinchikmi yanapanakunchik (Pro. 27:17; Ecl. 4:9, 10). ¿Imaynatam allintapuni servichikuchwan kay huñunakuykunata?
2. Imakunamantam rimanman predicacionpi punta apaq wawqenchik.
2 Predicacionpi punta apaqpaq: Kay huñunakuy sapa kuti imayna rurakunantaqa manam willawanchikchu. Chaymi, allintapuni preparakunayki sichu qam predicacionpi punta apaq kaptikiqa. Kay huñunakuypiqa manam sapakutichu leenanchik examinando nisqan folletotaqa, ichaqa predicacionmanta rimaptinqa leechwanmi. Piensariy imakunam yanapanman chay punchaw predicaq lloqsiqkunata. Ejemplopaq, rimawaqmi imayna predicanamanta otaq rurawaqmi huk demostraciontapas. Chaynataq Razonamiento, Benefíciese hinaspa Reinopaq Servicionchik qellqakunapa yachachisqanmantapas. Huk kutipiñataq ichapas rimawaq ima ruranamanta predicananchik lawpi sasachakuykuna kaptin otaq uyariwaqninchikkunapa yachay munayninkuta imayna masyachinamanta hinaspa imaynatam Bibliamanta estudiokunata qallarichwan, aswanraqchá sichu wawqe-paninchikkuna yachay munaqkunaman kutiptinkuqa. Imamantapas yachachispaqa kusikuywan rimay hinaspa kallpanchakuq kay.
3. ¿Hayka tiempopim chay huñunakuy rurakunan hinaspa chay tiempopi imakunatam rurakunanña?
3 Tiempollanpi kay huñunakuyta qallariy wawqe-paninchikkuna punchawyamunankuta yachaspaykipas. Allintam musyarinayki pitaq piwan predicanqa hinaspa niy maypi predicanantapas. Chay huñunakuyqa chunka otaq chunka pichqayoq minutollapim rurakunan, menosraqchá kanqa congregacionpi huñunakuy tukuyta kaptinqa. Manaraq chay huñunakuy tukuchkaptinmi llapallanku yachananku piwan hinaspa maypi predicanankuta. Hinaspa oracionwan tukuy.
4. ¿Imaynatataq predicacionman lloqsinapaq huñunakuyninchik allintapuni yanapawanchikman?
4 Llapanchikmi yanapakuchwan: Jehová Diosta hinaspa hukkunatapas respetasqanchiktam qawachisun chay huñunakuyman tiempowan chayaspa, imayna congregacionpi huñunakuykunapaq hina. Chay huñunakuypi yanapakuy. Akllakuwaqmi ñawpaqmantaraq arreglo rurakuyta piwan predicanaykipaq otaq predicacionpi punta apaq wawqenchik piwan predicanaykipaq nisunaykitapas. Piwanpas arreglota ruraptikiqa kallpanchamuykikum ‘sonqoykita kicharinaykipaq’ huk wawqe-paninchikkunawanpas predicanaykipaq, amigoykikunallawan predicanaykimantaqa (2 Cor. 6:11-13). Huñunakuy tukuruptinqa piwan predicanaykipaq nisusqaykitaqa ama cambiaychu hinaspa predicana lawman utqayman riy.
5. ¿Imaraykutaq rurakun predicacionman lloqsinapaq huñunakuykuna?
5 Predicanapaq huñunakuypa imarayku rurakuyninqa hina kaqllam wakin huñunakuykunapaqpas: “kuyanakunapaq hinaspa allin ruranapaq” (Heb. 10:24, 25). Chay huñunakuypi niwasqanchikkunata kasukuyninchikmi servicionchikpi allinta yanapawasun. ¡Allin ruraymi chayqa!