Predicanapaq huñunakuykuna
1. ¿Imanasqataq allinpuni ordenninpi predicaq lloqsiyqa?
1 Jesucristo predicaspanqa, allinta hinaspa ordenninpim rurarqa. Chaynatam kunanpas enteron pachapi predicacionpi punta apaqkunapas rurayta munanku. Chaymi predicanankupaq huñunakuyta lliw congregacionkuna ruranku, chaypim kamachisqa kanku maypi predicanankupaq (Mat. 24:45-47; 25:21; Luc. 10:1-7).
2. ¿Imakunatam rurakun predicanapaq huñunakuykunapi?
2 Sumaq yanapakuymi: Predicanapaq huñunakuykunaqa kallpanchawanchikmi, hinaspa yanapawanchikmi imayna predicanapaqpas. Yaqapaschá predicacionwan tupaptinqa Examinando nisqa folletomanta rurakunqa. Hukkunapiqa rurakunmanmi Diospaq Llamkayninchik, Razonamiento otaq Benefíciese qellqakunapa yachachikuyninkunamanta. Wakinpiqa rurakunmantaqmi qellqanchikkunawan imayna predicanapaq demostracionkunatapas. Chay huñunakuy manaraq oracionwan tukuchkaptinqa, lliwñam yachananku piwan predicanankuta. Kayqa apakunanmi yaqa 15 minutollapi, tukuruptinñataqmi predicananku lawman llapallanku rinanku.
3. Predicanapaq huñunakuymanta, ¿pikunataq encargasqa kachkanku?
3 Pikunataq encargakunku: Predicacionmanta encargakuq ancianom, congregacionpi ancianomasinkunawan rimanan sapa grupokunapi pikuna punta apanankumanta. Sabado hinaspa Domingo punchawkunapim, grupomanta encargakunqaku chay grupopi churasqa anciano otaq yanapaqnin. Paykunaqa gruponwanmi predicananku, rimanankutaqmi predicacionmanta encargakuq ancianowan chay punchawkunapi maylawkunata predicanankupaq. Lunes punchawmanta Viernes punchawkamaqa, predicacionmanta encargakuq ancianom, huk ancianokunata otaq siervo ministerialkunata ninman grupokunamanta encargakunankupaq, tanteanmantaqmi maylawkunapi predicanankupaqpas.
4-6. a) ¿Imaraykutaq tanteana predicanapaq huñunakuy maypi kananta? b) Maypi hinaspa haykapi chay huñunakuy rurakunanpaq, ¿imakunapim piensana?
4 Maypitaq hinaspa haykapitaq rurakun: Congregacionpa predicanan lawta allinta llamkanapaqqa, allinmi kanman predicanapaq lawpi yachaq wawqe-paninchikkunapa wasinkupi chay huñunakuy rurakunanpaq ancianokunapa tanteayninkuqa, chaynapi llapallanku mana huk sitiollapi huñunakunankupaq. Rurakunmantaqmi Salonpipas. Achka congregacionkunam predicanapaq huñunakuyta ruranku, discurso hinaspa Llaqta Cuidaq estudio tukuruptin. Chay huñunakuyqa manam karupichu kanan predicananchik lawman rinapaqqa. Chaymi sapa kuti qawana chay huñunakuykuna maypi rurakusqanta.
5 Congregacionpa predicanan law imayna kasqanman hinam, tanteanmanku predicanapaq huñunakuy maypi hinaspa haykapi rurakunanta. Qatiqnin tapukuykunam chaypaq yanapawasun.
6 ¿Maylawmi aswan predicanata necesitan? ¿Imay horataq allin kanman wasin-wasin predicananchikpaq? ¿Tiempochakuchwanchu chisinkuyta predicananchikpaq otaq kaqmanta watukunanchikpaqpas? Predicacion maykunapi kananpaq tanteasqaña kaptinqa, tableropim churana. Apostol Pablo hinam ñoqanchikpas lliw predicananchik lawta, predicaspa tukuyta munanchik (Rom. 15:23).
7. Predicanapaq huñunakuyta dirigiq, ¿imaynatam chay huñunakuyta ruranan?
7 Imaynatam predicanapaq huñunakuyta rurana: Chay huñunakuyta ruranapaq preparakuyqa, qawachinqam Diospa llaqtanta respetasqanchikta. Chay grupota dirigiq iñiqmasinchikqa yachananñam maykunapi predicanankuta. Chay huñunakuyqa tiempollanpim qallarinan, allintam yanapawananchik hinaspa 10 otaq 15 minutollapim rurakunan. Tukuruptinñataq predicana lawman rinanchik. Manam qepa hamuqkunataqa suyanaraqchu, ichaqa allinmi kanman maypi predicasqanchikta yachanankupaq huk willakuyta saqeyqa. Yachamusqanchikman hina chay huñunakuy rurakuptinqa, llapallankum yachanqaku imayna predicanankuta.
8. ¿Imakunata ruraspam predicanapaq huñunakuy respetasqanchikta qawachichwan?
8 Chaypi kayqa allinpunim: Arí, kasukuyqa allinpunim (Heb. 13:17). Atikuptinqa, chay grupopi dirigiq iñiqmasinchikqa wawqe-paninchikkunatam ninman piwan predicanankuta. Experienciayoq iñiqmasinchikkuna chay huñunakuyman hamuspankuqa, mosoqkunatam yanapanmanku. Allintaqmi kanman huk iñiqmasinchikkunawanpas predicayqa (Pro. 27:17; Rom. 15:1, 2). Chaymantapas llapallanchikmi kallpanchakunanchik tiempowan chayanapaq. Chay huñunakuykunata respetasqanchik hinaspa iñiqmasinchikkunapi piensasqanchikmi kallpanchawasun tiempollapi chayanapaq (2 Cor. 6:3, 4; Fili. 2:4).
9. ¿Imaynatam precursorkuna yanapakunmanku predicanapaq huñunakuypi?
9 Precursorkunapa yanapakuyninku: Chay huñunakuypi precursorkuna kaptinkuqa, llapallankum kallpanchasqa tarikunku. Yachanchiktaqmi precursorkunaqa achka rurayniyoq kasqankuta, paykunaqa estudiota qospankupas chaynataq yapamanta watukuspankupas, familiankutam atiendenanku hinaspa llamkanankutaqmi. Chaymi mana hikutanachu sapa punchaw chay huñunakuyman rinankupaqqa. Ichaqa atinmankum semanapi wakiqninman riytaqa. Predicanapaq huñunakuyqa escuela hinam, chaypi yanapakuykuna hinaspa precursorkunapa yachasqankupas hukkunatam yanapanman. Precursorkunaqa sapa kuti predicasqankuraykum achkata yachanku, chaymi hukkunatapas yanapanmanku. Chaymantapas, chay huñunakuyman hamusqanku hinaspa ganasllawanña predicasqankum qatipakunapaq hina. Arí, ancha kusikunapaqmi chayna yanapakusqankuqa.
10. ¿Imanasqataq llapallanchik kallpanchakunanchik predicanapaq huñunakuypi kanapaq?
10 Jesuswan qatiqninkunapa rurasqankuman hinam, ñoqanchikpas yaqa llapanpi wasin-wasin predicanchik. Arí, predicanapaq huñunakuyqa yanapawanchikmi kallpanchanakunapaq hinaspa allinta predicanapaqpas. Chaymi atisqanchikman hina llapallanchik kallpanchakunanchik chay huñunakuypi kanapaq (Hech. 5:42; 20:20). Chaypaqqa tiempochakusunyá imapas rurayninchikkunamanta. Hinaptinqa, ¿imaynataq kanqa predicayninchik? Jehová Diosmi bendecinqa hinaspa señorninchik Jesucristopas kusikunqataqmi (Mat. 25:34-40; 28:19, 20).