¿Kikikipa predicanayki law kapusunkichu?
1. ¿Imanasqam allin kanman kikinchikpa predicananchik law kapuwayninchikqa?
1 Yachasqaykipi otaq maypi kasqallaykipi kaptinqa yanapasunkim utqayman chayaspayki sapallayki otaq hukkunawanpas predicanaykipaq. Atikuptinqa allinmi kanman congregacionpa arreglo rurasqanman hina predicanapaq yanapakuynikiqa, ichaqa kikinchikpa predicananchik law kapuwayninchikpas chaypi kaq lliw runakunata allinta predicanapaqmi yanapawanchikman; kayna rurayninchikmi allin kanman congregacionpa predicanan law aswan hatunraq kaptinqa (Hech. 10:42).
2. ¿Imapim yanapawanchikman kikinchikpa predicananchik law kapuwayninchik?
2 ¿Imapim yanapawanchikman? Wakin wawqe-paninchikkunam mikuy horata otaq llamkayninku tukuyta allin kasqanta qawanku kikinkupa predicananku lawpi predicanankupaq. Wakinkunañataqmi aylluntinwan huk horata hina predicanku yachasqanku lawpi Estudio de Libro de Congregación nisqan huñunakuy manaraq qallarichkaptin. Chayna kaptinmi yachay munaqkuna hinaspa Bibliamanta estudiaqkunapas yachasqanku lawllapi kanku chaynapim mana usuchinkuchu tiemponkuta, kallpankuta nitaq qollqenkutapas. Kikinkupa predicananku law mana karupi kasqanraykum, wakin wawqe-paninchikkuna precursor auxiliar otaq precursor regular kayta atinku. Kikinchikpa predicananchik lawpi predicaptinchikmi runakunata astawan reqsinchik, chaymi yanapawanchik confianzapaq hapiwananchikpaq. Chaynapim sasachakuyninkupaq hina predicaptinchik sonqonkuman astawan chayanchik.
3. ¿Imapim yanaparqa huk precursora paninchikta kikinpa predicanan law kapusqan?
3 Huk precursora paninchiktam circuito superintendente conseqarqa kikinpa predicanan law kapunanpaq, chay paninchikmi nin: “Conseqawasqantam kasukurqani, hinaptinmi chay punchawkunallapi reqsirqaniña predicasqay lawpi runakunata hinaspam allinllata paykunawan apakuq kaniku. Chaymantapas watukurqanim paykunapa tiemponku kasqanman hina. ¿Imapim yanaparqa chayna rurasqan? Ñawpaqtaqa killapim kimsa chunka pichqayoq kutita yachay munaqkunaman watukurqani; kunanñataqmi pusaq chunkataña hinaspapas qanchis runakunatam Bibliamanta estudiota qochkani”.
4. ¿Imatam rurawaq kikikipa predicanayki law kapusunaykipaq hinaspa chaypi kaq runakunata predicayta tukunaykipaq?
4 Imatam rurachwan kikinchikpa predicananchik law kapuwananchikpaq: Munaspaykiqa encargasqa wawqenchiktam mañakuwaq; hinaspapas huk wawqe-paninchiktam niwaq qanwan predicananpaq. Wasinkupi mana tarisqaykikunataqa registro de casa en casa nisqanpi qellqay hinaspa kallpanchakuy tawa killallapi predicayta tukunaykipaq. Chay killakunallapi predicanayki law mana tukunaykipaq hina kaptinqa, Estudio de Libro de Congregación encargasqa wawqenchiktam otaq huk wawqe-paninchikkunatam niwaq yanapasunaykipaq. Tawa killapi predicayta tukuruptikiqa encargasqa wawqenchikmanmi predicasqayki lawpa targetanta entregawaq otaq yapatawanmi mañakuwaq. Chay targetawanqa ama unaytaqa qepakuychu, kutichinaykim hukkunapas mañakunankupaq. Kikikipa predicanayki law kananpaq, congregacionnikipi mana achka predicanapaq law kaptinqa, ichapas Estudio de Libro de Congregación encargasqa wawqenchikta niwaq maypi predicanaykipaq.
5. ¿Imam yanapawanchikman predicanapaq kamachikuyta cumplinapaq?
5 “Enterollan kay pachapi” predicanapaq kamachikuyqa hatun ruraymi (Mat. 24:14). Chayraykum allin arreglota rurananchik. Predicanapaq congregacionpa arreglo rurasqanwan hinaspa kikinchikpa predicananchik law kapuwayninchikwanpas yanapanchikmi lliw runakuna predicasqa kanankupaq.