¿Mañakuwaqchu predicanaykipaq sitiota?
1. ¿Imatam cuentallikuq ancianoqa qamta nisunkiman?
1 Congregacionnikipi predicanaykichik law (territorio) hatun kaptinqa, predicacionmanta cuentallikuqmi nisunkiman huk kaqnin partellanpi predicanaykipaq otaq wasikipa hichpallanpi nisuptiki. Chay sitioqa sapallayki predicanaykipaqmi. Organizados libropa 103 kaq paginanpim qawachin predicanapaq sitioqa “Tiemponchikta mana yanqachanapaq” yanapasqanta. Chaymantapas ninmi: “Atikuptinqa mayqen iñiqmasinchiktapas qanwan predicananpaqmi niwaq”.
2. Grupoykiwan predicaspapas, ¿imaynatam yanapasunkiman predicanaykipaq huk sitio chaskisqaykiqa?
2 Grupoykiwan predicasqaykichik lawmi astawan predicasqa kanqa. Llamkasqayki lawpi predicanaykipaq nisuptikiqa predicawaqmi docenaykipaq samasqaykipi otaq llamkayta tukuspa lloqsisqayki horapi. Mayqen iñiqmasinchikpas hichpaykipi llamkaptinqa niwaqmi kuska predicanaykichikpaqpas. Wasikipa hichpanpi kaptinqa tardeykuqtam familiaykiwan predicawaq. Allintaqmi kanman manaraq predicayta qallarichkaspa Jehova Diospa yanapakuyninta mañakuynikiqa (Filip. 4:6). Ichaqa congregacionpi iñiqmasikikunawan predicanaykipaqpas kallpanchakunaykim, astawanraqmi semana tukuyta grupoykiwan predicanaykipaqpas.
3. ¿Imakunapim yanapasunkiman predicanaykipaq sitioqa?
3 Imakunapim yanapasunkiman. Predicanaykipaq sitioyki kaptinqa yachankim maypi predicanaykipaq kasqanta chaymantapas tiempoykipa kasqanman hinam predicanki. Karuman rispa tiempoykita yanqachanaykimantaqa aswan predicanaykipaqmi yanapasunki. Chayqa yanapasunkim precursor auxiliar otaq regular kaptikipas horaykikunata cumplinaykipaq. Chaymantapas Diosmanta yachay munaqkunaman yapamanta watukunaykipaqpas hichpallapim kanqaku chaywanqa mana sasachakuspallam Bibliamanta estudiachiyta qallarinki. Wakinpiqa achka kutikamapas predicawaqmi predicanaykipaq chaskisqayki sitiotaqa, hinaspañam tukusqaykimanta cuentallikuqman willawaq. Payñataqmi tanteanman hukmanña chay sitiota qonanpaq. Wakinkum ninku huk sitiollapi predicasqankuqa chaypi yachaqkunawan otaq tiyaqkunawan reqsichikunankupaq yanapasqanta. ¿Yaqachu predicanaykipaq sitioqa yanapasunkiman kikikitapas chaynataq familiaykitapas astawan predicanaykichikpaq? (2 Tim. 4:5.)