Runakuna mana wasinkupi tarikuptinku
1. ¿Ima sasachakuytam tarinchik wasin-wasin predicaspa?
1 Achka llaqtakunapim wasinkupi runakunata tariyqa sasallaña kachkan. ‘Sasallaña tiempokunapi’ kawsasqanchikmi runakunata tanqan kawsanallanpaq llumpayta llamkanankupaq (2 Tim. 3:1). Wakin runakunañataq wasinkupi mana tarikunkuchu imapas rantipakuyllapi otaq kusikuyllapi qollqenkuta usuchispa. ¿Imaynatam paykunaman willanchikman Diospa sumaq noticiankunamanta?
2. ¿Imaynatam segurakuchwan wasipi mana tarisqanchikkunata kaqllamanta watukunapaq?
2 Paykunamanta allinta qellqasun: Puntataqa wasikunapi mana pitapas tarispaqa qellqananchikmi. Aswantaraqmi chayta rurananchik predicasqanchik lawta kutipayaspanchikqa. ¿Qellqankichu callepa sutinta, predicasqayki lawpa numeronta, sutikita hinaspa haykapi predicasqaykitapas? Ama llapanpiqa qellqaruychu, qampas otaq hukpas chay wasikunata kaqllamanta watukuspa qellqananpaq. Predicayta tukuspayki, qellqasqaykitaqa ama qonqaychu predicacionpi pusawaqninchikman qoyta, kikiki kutinayki kaptillanmi manapas qowaqchu. Yachay munaq runaman kikiki watukunayki kaptinqa huk hojachapi qellqaykuy.
3. ¿Imakunatam rurananchik wasinpi mana tarisqanchik runakunata predicananchikpaq?
3 Sapaq horapi kutiy: Runakunata llamkanan horapi mana tarispanchikqa ichapas tarichwan tutaykuyta otaq semana tukuytapas. ¿Atiwaqchu watukunayki hora cambiayta wasinkupi kasqan horapi kutinaykipaq? (1 Cor. 10:24.) Mana chayqa, ichapas huk wawqe-paninchikman qellqasqaykita qowaq sapaq horapi kutinanpaq. Atiwaqmi chay runakunaman carta qellqayta, mana qellqayta yachaspaykiñataq hukwan qellqachispayki apachiwaq. Onqosqankurayku wasin-wasin predicayman mana lloqsiy atiqkunam kusikunqaku qellqaypi yanapawaspanchik.
4. ¿Ima ejemplom qawachin wasinkupi mana tarikuqkunaman kutiyqa ancha allin kasqanta?
4 Huk ejemplota qawarisun wasinkupi mana tarikuqkunaman willaypi kallpanchakuy ancha allin kasqanmanta. Huk wasiyoqtam sapa kuti watukuspapas kimsa watamantaña chayraq tariruspanku rimapayarqaku. Payqa manaraq chay llaqtaman astakamuchkaspan Bibliataqa estudiasqaña hinaspa Jehová Diospa Testigonkuna watukunankuta suyachkarqa Bibliata hinalla estudiananpaq.
5. ¿Haykapim nichwan predicananchik lawpi lliw runakunatañam predicarunchik nispa?
5 Predicananchik lawpi lliw runakunata predicasun: ¿Haykapitaq nichwan predicananchik lawpi lliw runakunatañam predicarunchik nispa? Chaytaqa nichwanmi sichus kallpanchakurunchik sapakama lliw wasiyoqkunawan rimaypi. Allinmi kanman wasinkupi mana tarispaqa huk tratadota otaq pasaruqña revistata mana musyachikuspalla saqeyqa, kaytaqa aswanmi rurachwan mana sapakuti predicasqanchik lawpi. Predicananchik sitiotaqa tawa killapim predicayta tukunanchik. Chaymantañataq tarjetakunata waqaychaq wawqenchikman qona runakunapa sutinta chaypi qellqananpaq.
6. ¿Imanasqataq kallpanchakunanchik predicananchik lawpi lliw runakunaman sumaq noticiata willananchikpaq?
6 Munanchikmi achka runakuna Jehová Diosta reqsispanku salvakunankuta (Rom. 10:13, 14). Wasinkupi mana tarisqanchik runakunatapas yanapananchikmi salvakunankupaq. Apostol Pablo hinayá qampas ‘willakuy Diospa favorninmanta allin noticiata’ (Hech. 20:24).