Predicayninchikqa qorimantapas ancha valorniyoq llamkaymi
1 Apostol Pablom anchata chanincharqa Diosmanta predicananpaq chaskisqan llamkayta, chaytam tupachirqa ‘qoriwan’ (2 Cor. 4:7). Predicaspam ñakariykunata hinaspa qatikachasqa kaytapas aguantarqa. Lliw runakunatam mana pisipaspan predicarqa. Chaymantapas achka kutitam illarqa allpantakama hinaspa lamar qochantakama sasachakuy hinaspa peligro kaptinpas. ¿Imaynatam qawachichwan apostol Pablo hina predicayninchikta chaninchasqanchikta? (Rom. 11:13.) ¿Imanasqam nichwan predicayninchik qorimanta aswan valorniyoq kasqanta?
2 Qorimanta aswan valorniyoq: Yaqa llapanpiqa ancha sasachakuykunatam apamun qori-qollqeyoq kaypas hinaspapas manam unaypaqchu yanapawanchik. Predicayninchikmi ichaqa kikinchikpa allinninchikpaq hinaspa runamasinchikpaqpas (1 Tim. 4:16). Predicayninchikqa runakunatam yanapan Jehová Diosta reqsinankupaq, imayna kawsasqankuta tikranankupaq hinaspa wiñay kawsaypaq suyakuyniyoq kanankupaqpas (Rom. 10:13-15). Servicionchikta chaninchaspanchikqa kawsayninchikpim aswan kusisqa kasunchik, hinaspapas manam yanqapaqchu kanqa ima rurasqanchikpas aswanqa hamuq tiempopaq sumaq suyakuyniyoqmi kasunchik (1 Cor. 15:58).
3 Predicayninchik ancha valorniyoq kasqanta qawachisun: Imapas ancha valorniyoq kasqantam qawachinchik imatapas chaypaq ruraspanchik. ¡Mayna kusisqam tarikunchik tiemponchiktawan kallpanchikta Jehová Diosman qospanchik! (Efe. 5:16, 17.) Tiemponchikta imayna servichikusqanchikmi qawachinan espiritualpi ruraykunata chaninchasqanchikta qori-qollqe maskaymantaqa. Predicayninchik ancha valorniyoq kasqanraykum kusikuywan predicayta munanchik hinaspam qawan-qawanlla kananchik Diospa sumaq noticianmanta maypipas predicanapaq.
4 Imapas ancha sumaqllaña kaqtaqa runakuna kusirikunankupaqmi qawachinchik. Chaymi qorita hina servicionchikta qawaspanchikqa, kawsayninchikpim puntapi churasun (Mat. 5:14-16). Ancha agradecesqa sonqonchikwan apostol Pablota qatipakusun hinaspa maypi kaspanchikpas servicionchik qorimantapas aswan valorniyoq kasqanta qawachisun.