Chaninchasunyá predicayninchikta
1. ¿Ima ninkutaq wakin runakuna predicayninchikmanta?
1 Satanaspa munaychakusqan mundopim wakin runakuna predicayninchikta qawanku mana yuyayniyoqkunapa rurasqanta hina (1 Cor. 1:18-21). Chayna piensasqankumanta mana cuidakusqaqa ganaswan predicayninchiktam hukmanyarachinman (Pro. 24:10; Isa. 5:20). ¿Imakunataq kallpanchawanchik Jehová Diospa testigon kasqanchikta chaninchanapaq? (Isa. 43:10.)
2. ¿Imanasqataq predicayninchikqa allinpuni?
2 ‘Allin noticiamanta willasun.’ Apostol Pablom nirqa predicasqanchikqa allin ruraypuni kasqanta (Rom. 15:15, 16). Chayta ruraspam Diospaq llamkanchik hinaspam yanapakunchik sutin chuyanchasqa kananpaq (1 Cor. 3:9; 1 Ped. 1:15). Jehová Diosmi predicasqanchikta qawan ‘kañasqa ofrendapa’ asnayninta hina, chaymi chayna yupaychayninchikqa ancha allinpuni (Heb. 13:15).
3. ¿Imanasqataq predicanapaq favorecesqa kasqanchikta chaninchananchik?
3 Wakin runakunamantaqa allin noticiamanta willakunapaqmi ancha favorecesqa kanchik. Angelkunaqa maynatachá kusikunmanku predicanankupaq kamachisqa kaspankuqa (1 Ped. 1:12). Paykunaqa mayna allintach predicanmanku. Ichaqa Jehová Diosmi ñoqanchikta favoreceykuwanchik “allpa manka hinalla kachkaptinchikpas” (2 Cor. 4:7).
4. ¿Imaynatam qawachichwan predicayninchik allinpaq hapisqanchikta?
4 Imamantapas puntapim churana. Predicananchikpaq favorecesqa kasqanchikta reqsikuspaqa chay ruraytam ancha allinpaq hapisun, hinaptinmi predicananchikpaq sapa semana tiempochakusun (Fili. 1:10). Piensarisun ancha reqsisqa orquestapi tocapakuq kasqanchikta. Chaypi kasqanchikta chaninchaspaqa sapa kutichá astawan kallpanchakuchwan allin tocaq kananchikpaq. Chaynallataqmi predicaq rinapaqpas sapa kuti kallpanchakuna preparakunapaq, chaynapi ‘Diospa cheqap palabranmanta allinta yachachinapaq’ (2 Tim. 2:15; 4:2).
5. ¿Pikunataq predicasqanchikta allinpaq qawanku?
5 Amayá hukmanyasunchu contranchikpi rimasqankuwanqa. Predicasqanchik lawpiqa kachkanraqmi Diosmanta yachay munaq runakuna. Imayna kaptinpas Jehová Diostam agradayta munanchik, manam runakunatachu. Seguropunim kanchik Diosqa rurasqanchikta chaninchasqanmanta (Isa. 52:7).