Tapukuykunapaq kaq
◼ ¿Pitaq willanan qallariq takita, Diosmanta Willakunapaq Yachachiq Escuelapi, Serviciomanta Huñunakuypi, Reunión Pública nisqapi chaynataq La Atalaya otaq Llaqta Cuidaq revistata estudianapaq huñunakuykunapi?
Diosmanta Willakunapaq Yachachiq Escuela huñunakuypa qallariqnin takiqa, rikurinmi octubre killapi Reinopaq Servicionchikpa suplementonpi. Serviciomanta Huñunakuypaq qallariq chaynataq tukuynin takikunam rikurin Reinopaq Servicionchikpi 2 kaq paginanpi. Chaynataqmi Llaqta Cuidaq revistata estudianapaq huñunakuypi takikunaqa rikurinmi kay revistapa 2 kaq paginanpi. Takikunaqa tupaqnin huñunakuypi takinapaqmi, hinaptinqa sapa huñunakuy qallarichiqmi willakunqa takitaqa, manam punta kaq huñunakuyta tukuqchu.
Ejemplopaq, Diosmanta Willakunapaq Yachachiq Escuela huñunakuyta encargakuqmi allin chaskiyta qospan qallarinapaq takita willakunqa hinaspam chay Escuela huñunakuyta ruranqa, chaymantañataqmi ninqa Serviciopaq Huñunakuy qallarichiqta ñawpaqman yaykuykunanpaq. Serviciopaq Huñunakuypi punta kaq yachachiqmi takiwan qallarichinqa chay huñunakuyta.
Chaynataqmi Reunión pública nisqa huñunakuyta qallarichiqpas huñunakuyman hamuqkunata allin chaskiyta qonqa hinaspa discurso qoqpa taki akllasqanta ninqa. Chay huñunakuyta qallarichiqmi (otaq ñawpaqmantaraq akllasqa wawqenchikmi) oracionta ruranqa. Chaymantañataqmi willakunqa discurso qoqpa sutinta chaynataq imamanta yachachinantapas. Discurso qoyta tukuruptinmi kay huñunakuyta qallarichiq pisillapi agradecekunqa ichaqa manam pisillatapas rimananchu discursaqpa yachachisqanmantaqa. Hinaspañataq qatiqnin semanapi imamanta discurso kananta willanqa hinaspam huñunakuypi kaqkunata kallpanchanqa Llaqta Cuidaq revista Estudiaypi qepanankupaq. Manam huñunakuypi kaqkunataqa tapunanraqchu kuyakuykunata discursaqpa congregacionninman apachinapaqqa. Hinaspam, Llaqta Cuidaq revistamanta yachachiqta ñawpaqman yaykunanpaq ninqa.
Llaqta Cuidaq revistamanta yachachiqmi willanqa chay Huñunakuypa qallariqnin takita. Hinaspam imayna estudiana kasqanman hina estudiachinqa, tukuruspañataqmi kay huñunakuypa tukuynin takita willanqa. Kay huñunakuyta qallarichiq wawqenchikmi discurso qoqta ninman tukunapaq oracionta ruraykunanpaq.
Kay yachachikuykunata kasukuptinchikqa, llapallan congregacionkunapim huñunakuyninchikkunaqa hina chaynalla rurakunqa.