¿Yachankichu mana yawarllawan imayna operachikuymanta?
Kunanqa achka hospitalkunapiñam mana yawarllawan operanku. ¿Allintachu yachanki mana yawarllawan imayna operachikuymanta? Kaymantaqa yachanaykim, chaynapi allinta yachaspa imayna hampichikunaykipaq otaq operachikunaykipaqpas. Allinmi kanman La negativa a la sangre. La medicina acepta el reto, nisqa videota puntata qawayniki. Chaymantañataq Diosta mañakuruspayki kay qatiqnin tapukuykunapi piensariy. Willakuy: Kay videopiqa wakinpim qawakun doctorkunapa imayna operasqanku, chaymi tayta-mamakunaqa tanteananku warmankuwan qawaptinku warmanku mana mancharikunankupaq.
(1) ¿Imanasqataq Jehová Diospa testigonkunaqa yawarta mana churachikunkuchu? (2) ¿Imatam piensanku Jehová Diospa testigonkuna hampichikuymanta? (3) ¿Ima derechontaq kan hampichikuqpa? (4) ¿Imatam qawachin mana yawarllawan hampichikuyqa? (5) Operaptinku yawar llumpayta usuptin, ¿ima iskay kaqkunatam doctorkuna chaylla ruranmanku? (6) ¿Ima tawa kaqkunatam doctorkuna ruranmanku mana yawarllawan operanankupaq? (7) ¿Imatam doctorkuna operaspanku ruranmanku (a) yawar mana llumpayta usunanpaq, (b) glóbulos rojos nisqan hinalla kananpaq, (c) yawarta mirachinankupaq, hinaspa (d) usuq yawartapas kaqllamanta kutiykachinankupaq? (8) ¿Ima ninantaq hemodilución nisqan, hinaspa recuperación de sangre nisqanpas? (9) ¿Imakunamantam puntata yachanayki mana yawarllawan imayna operachikuymanta? (10) ¿Atinmankuchu doctorkuna mana yawarllawan operayta sasa hinaspa achka horapi operana kaptinpas? (11) ¿Ima allinkunatam doctorkuna hampiypi haypachkanku?
Sapakama cristianom akllakunan Bibliapa yachachisqanman hina videopi rikusqanta mayqan yanapakuyta chaskinanpaqqa. Operachikunayki kaptinqa, ¿allintañachu entiendenki mana yawarllawan imayna operachikunaykipaq, chaynataq wawa-churikikunapaqpas? ¿Ñachu CIAM, nisqa tarjetapi churarunkiña imayna hampichikuy munasqaykita? Manaraq qellqachkaspayki, sumaqta leeruy 2004 watapi 15 de junio hinaspa 2000 watapi 15 de octubre La Atalaya revistapi “Preguntas de los lectores”, nisqa yachachikuyta. Chaymantapas noviembre 2006 watapi Diospaq Llamkayninchik suplementonpi, “¿Qué opino de las fracciones sanguíneas y de los procedimientos médicos que impliquen el uso de mi sangre?”, nisqa yachachikuyta. Allinta tanteakuruspaykiña CIAM, nisqa tarjetapi qellqay. Imayna hampichikunaykimantaqa, qampa rantikipi rimaqpas chaynataq mana cristiano familiaykikunapas yachanankum.
[3 kaq paginapi recuadro]
• ¿Tanteakurunkiñachu qampas chaynataq warmaykikunapas mana yawarllawan imayna hampichikuymanta?
• ¿Siemprepunichu CIAM, nisqa tarjetata allin huntachisqata apanki ima accidente kaptinpas servichikunaykipaq?