Sapakama hinaspa familiapi Biblia estudiayqa ancha allinpunim
1. ¿Imataq preocupan Diospa Llaqtanpi Punta Apaqkunata, hinaspa imanasqa?
1 Dios serviqkuna iñiyninkupi allin kanankupaqmi Jehová Diospa Llaqtanpi Punta Apaqkunaqa interesakunku, ñawpa cristianokunapa tiemponpi hina (Hech. 15:6, 28). Llumpa-llumpay ñakariy punchaw hichpaykamusqanqa sutillam kachkan, chaymi kallpanchakunanchik Jehová Dioswan amistadninchikta astawan takyachinanchikpaq. Aslla Huñunakuspa Bibliamanta Estudio huñunakuypaq tiemponchik rakisqanchiktaqa, ¿imapiñataq servichikusun? Allinmi kanman familiantin Bibliata estudianapaq servichikuyqa. Chaynata ruraspam Diospa Palabranmanta astawan yachasun hinaspapas iñiyninchikpim allinta takyasunchik (Sal. 1:1-3; Rom. 11:33, 34).
2. ¿Imaynatam Aslla Huñunakuspa Bibliamanta Estudio huñunakuypaq tiemponchik rakisqanchikta servichikuchwan?
2 Familiantin Diosta yupaychanapaq: Familiapi punta apaqkunatam kallpanchaniku familiankuwan sapa semana Bibliata estudianankupaq (Deu. 6:6, 7). Solterokunapas chay huñunakuypaq rakisqanku tiempotaqa allintam servichikunanku Bibliata hinaspa astawan yachay munasqankutapas estudianankupaq. Chaynaqa, estudianapaq hinaspa yuyaymananapaqyá ‘tiemponchiktaqa ama usuchispa’ servichikusun. ‘Kay punchawkuna mana allinllaña’ kasqanraykum chaynata rurananchik iñiyninchikpi qaqa hina kananchikpaq (Efe. 5:15, 16).
3, 4. ¿Imakunatam servichikuchwan familiantin estudianapaq, hinaspa imanasqa?
3 Imatataq estudiachwan: Índicedelaspublicaciones Watchtower hinaspa CD-ROM Watchtower Library nisqakunam yanapawachwan familiantin Bibliata sumaqta estudianapaq. Servichikuchwantaqmi Llaqta Cuidaq revistapi “Familiapaq consejokuna”, “Tayta-mamakuna wawa-churikichikkunata yachachiychik”, “Mozo-sipaskunapaq”, chaynataq ¡Despertad!, nisqa revistapi “Los jóvenes preguntan” otaq Diospa unanchasqanmanta yachachikuykunatapas.
4 Yuyaymanaspa Biblia leesqanchikmi yanapawasun Jehová Diospa kamachikuyninkunata sonqonchikpi churanapaq (Heb. 4:12). Familiantin videokunata qawaspa rimaypas yanapawanchikmanmi. Familiapi estudiasqanchik sumaqllaña kananpaqqa piensachwanmi imaynata ruranapaq. Chaynaqa tapusunyá familianchikta imamanta estudiay munasqankuta.
5. ¿Imanasqataq sapakama hinaspa familiapi Biblia estudiayqa ancha allinpuni?
5 Imanasqataq estudiananchikpuni: Dioswan amistadninchik allin kallpanchasqa kaptinqa Bibliapa kayna nisqanta kasukunapaqmi listo kasunchik: “Sayaychik hinaspa qawaychik Tayta Diospa kunan salvawasqanchikta” (Exo. 14:13). Tayta-mamakunaqa Diospa yanapakuynintam necesitanku “huchallikuq pierdesqa runakunapa chawpinpi” churi-wawankunata uywanankupaq (Fili. 2:15). Churi-wawakunaqa escuelankupi mana allin ruraykunata atipanankupaqmi necesitanku yanapananchikta (Pro. 22:3, 6). Casarasqakunapas Jehová Dioswan ‘kimsa pata qaytu’ hina kasqankutam kallpanchananku (Ecl. 4:12). Chaynaqa tiemponchiktayá allinta servichikusun “iñiyninchikpi” takyananchikpaq (Jud. 20).