Bibliamanta estudiokunata qallarinapaq sapaqchasqa punchaw
1 Enero killamantapacham Bibliamanta estudiota qallarinankupaq lliw congregacionkuna rakinanku sapa killa huk punchawta. Chayqa kanan killapa hukkaqnin semana tukuyninpim, sabadopas otaq domingopas congregacionpi wawqe-paninchikkuna lloqsinankupaq hina. Runamasinchik Biblia estudiayta mana munaptinpas munachichwanmi Yachachiq libronchikta otaq chayllaraq chaskisqanchik revistakunatapas. Lliw ancianokunawan siervo ministerialkunam tiemponkuta rakinanku kay arreglokunapi yanapakunankupaq hinaspa wawqe-paninchikkunata bibliamanta estudio qallariypi yanapanankupaqpas.
2 Congregacionpi Comité de servicio nisqa wawqenchikkunam akllanqaku killapa mayqan semana tukuyninpim chay arreglo rurakunanmanta. Wakinpiqa wawqe-paninchikkunatam yuyarichinanku preparakuspanku kallpanchakunankupaq chaynapi predicacionpi hinaspa yachay munaqkunaman watukuspanku bibliamanta estudiota qallarinankupaq.
3 Imaynatam preparakuchwan: Enero 2006 watapi Reinopaq Servicionchikpa suplemento nisqapa consejonkunatam yuyarichwan, chaynataq Razonamiento nisqa libropa 11, 12 paginankunatapas. Preparakuwaqtaqmi ¿Munawaqchu cheqapmanta yachayta?, niq tratadota munachinaykipaqpas. 2007 watapi agosto killapi Reinopaq Servicionchikpim 3 kaq paginanpi rikurichkan revista chaskiqkunawan Biblia estudiayta imayna qallarinamanta. Chay punchaw predicanapaq huñunakuyta ruranankupaqmi ancianokunawan siervo ministerialkuna turnanakunanku, chay huñunakuytaqa rurananku 10 otaq 15 minutollapim, chaypiqa yuyarichinankum otaq demostracionkunatam rurananku bibliamanta estudiokuna imayna qallarinamanta.
4 Manamá lliw runakunachu Biblia estudiaytaqa munanqaku, nitaq suyachwanchu estudiay qallariqkuna hinalla estudianankutaqa. Chayna kaptinpas manam hukmanyananchikchu, Jehová Diosmi llampu sonqoyoq runakunata llaqtanman pusamun (Juan 6:44). Chaymi Diospa cheqap willakuyninmanta predicanapaq kamachisqa kaspanchikpas, allin sonqoyoq runakunapa yachay munasqankuta masyachinanchik bibliamanta estudiota qospanchik. Kayta ruraspaqa “Diospa llamkaqmasinmi” kasunchik (1 Cor. 3:9).