Diospa Palabranqa atiyniyoqmi

1. ¿Imam sutin kanqa 2014 kaq watapi huk punchawlla huñunakuyninchikpa?

¹ Pantaq runakunapa imapas ruwasqanqa manam atiyniyoqchu, Bibliam ichaqa atiyniyoq. ¿Imanasqa? Bibliallam yachachiwanchik imayna kasqanchikta cambiaspa Diospa agradonpaq hina kawsanapaq. ¿Mayna atiyniyoqtaq Diospa Palabranqa? ¿Imaynatam astawan yanapachikuchwan? ¿Imaynatam Diospa Palabranwan hukkunata astawan allinta yanapachwan? Chay tapukuykunatam contestawasun 2014 kaq watapi huk punchawllapaq asambleanchikpi. Chay asambleapa sutinmi “Diospa palabranqa atiyniyoqmi”, chayqa horqosqam kachkan Hebreos 4:12 textomanta.

2. ¿Ima tapukuykunamantam contestawasun asambleapi?

² Tapukuykunamanta yachanapaq. Asambleapi yachachikuykunata uyarisqaykiman hina qatiqninpi tapukuykunata imayna contestasqankuta qellqay.

• ¿Imanasqataq Jehova Diospa palabranpi confiananchik? (Sal. 29:4.)

• ¿Imaynatam Diospa Palabranwan vidanchikpi yanapachikuchwan? (Sal. 34:8.)

• ¿Imaynatam astawan allinta Bibliata servichikuchwan predicasqanchikpi? (2 Tim. 3:16, 17.)

• ¿Imatam ruwachwan Satanaswan mana engañachikunapaq? (1 Juan 5:19.)

• Mozo-sipaskuna, ¿imataq yanapasunkiman Diosta allinta servinaykipaq? (Jer. 17:7.)

• ¿Imataq kallpanchawasun mana kallpayoqña tarikuptinchikpas? (2 Cor. 12:10.)

• ¿Imataq yanapawasun imayna kayninchikta hinalla cambianapaq? (Efes. 4:23.)

3. Chay huñunakuyninchikpi yachachikuykunata uyarispapas, ¿imatawanraqmi ruwananchik astawan kallpanchanakunapaq?

³ Huk punchawlla huñunakuyninchikpi yachachikuykunata uyarisqanchikqa allintapunim yanapawasun. Chaynallataqmi iskay punchaw hinaspa kimsa punchaw asambleanchikkunapas, chay huñunakuykunapiqa huklawmanta hamuq iñiqmasinchikkunawanchá tupasunchik (Sal. 133:1-3; 2 Cor. 6:11-13). Chaynaqa tiempochakusunyá reqsisqanchik amistadninchikkunawan parlarinapaq chaynataq chayraq reqsisqanchik kaqkunawanpas amistadta armanapaq. Ichapas chay huñunakuyninchikkunamanqa hamunqa congregacionkuna watukuqta watukuq anciano señoranpiwan otaq Betel wasipi llamkaq iñiqmasinchikpas. ¿Manachu paykunaman asuykuspa saludaykuchwan? Huk punchawlla huñunakuyninchiktayá ancha kusikuywan suyasun.