¿Imaynatam Diosta agradecekuchwan regalo qowasqanchikmanta?
1. ¿Imanasqataq Diosta anchata agradecekunchik?
1 Jehová Dios tukuy ima qowasqanchikmantaqa, librawananchikpaq Churinpa wañukusqanmi aswan allinqa (Sant. 1:17). Chay wañusqanwanmi achka bendicionkunata chaskinchik, hukninmi huchanchikmanta pampachasqa kasqanchik (Efe. 1:7). ¡Anchatamá agradecekunchik! Chaymi Jesuspa wañukusqanta yuyarinapaq tiempopiqa, astawanraq tiempochakunchik kay sumaq regalopi yuyaymananapaq.
2. ¿Imatam rurachwan Jesuspa wañukusqanta familianchikwan astawan chaninchanapaq?
2 Astawan chaninchasun. Kay watapim Jesuspa wañukusqanta yuyarisunchik 30 punchaw marzo killapi. Chay wañukusqanta astawan chaninchanapaqmi, ñawpaqmantaraq Familiawan Diosta Yupaychanapaq Tutapi Jesuspa rantinchikpi wañukusqanmanta estudiachwan. Allintaqmi kanman chay punchawkunapaq akllasqa textokunata sapa punchaw leeypas. Sapakamam yuyaymanana Jesuspa wañukusqan imayna yanapawasqanchikpi, hinaspa Jehová Diosmanta, kikinchikmanta, hukkunamanta chaynataq hamuq tiempomanta imayna piensasqanchikpi yanapawasqanchikmantapas. Ensayachwantaqmi Jesuspa wañukusqanta yuyarinapaqmi mosoq takinapi 8 hinaspa 109 kaq takikunata (Sal. 77:12).
3. ¿Imaynatam agradecekusqanchikta qawachichwan?
3 Agradecekusqanchikta qawachisun. Jesuspa wañukusqanmanta anchata agradecekusqanchikraykum mana saqechwanchu Jehová Diosmanta runakunaman willaytaqa (Sal. 145:2-7). Chaymi wakinqa allinta tanteanku marzo killamanta mayo killakama familianmanta hukllapas precursor auxiliar kananpaq. Mana atikuptinqa, ¿tiempochakuwaqchu astawan predicanaykipaq? (Efe. 5:16.) Agradecekusqanchiktaqa qawachisuntaqmi chay huñunakuyman runakunata invitaspa (Apo. 22:17). Kunanmantapacha tanteay pikunata invitanaykipaq; invitawaqmi watukusqayki runakunata, estudiachisqaykikunata, aylluykikunata, llamkaqmasikikunata hinaspa vecinoykikunatapas. Kallpanchakuytaq lliw runakunaman invitacionta qonaykipaqpas.
4. ¿Imatam rurasun Jesuspa wañukusqanta yuyarinapaq tiempota allinta servichikunapaq?
4 Jesuspa wañukusqanta yuyarinapaq tiempoqa yanapawanchikmi Jehová Diospa regalo qowasqanchikmanta anchata agradecekunapaq. Chaynaqa allintayá chay tiempota servichikusun Jesuspa wañukusqantawan “hatun valorniyoq” kasqanta astawan chaninchanapaq hinaspa qawachinapaqpas (Efe. 3:8).