Agradecekusqanchiktam qawachinanchik
Jesuspa wañukusqantam Yuyarisun 17 abrilta
1. ¿Imaynatam Cristopa wañusqanmanta agradecekuchwan?
1 Kuyapayakuywan Jehová Dios tukuy ima qosqanmantawan librasqanmanta agradecekuspanmi Salmista nirqa: ‘Lliw allinyaykachiwasqanmanta ¿imatataq paymanqa [pagapusaq]?’, nispa (Sal. 116:12). Salmistapa nisqanmanta pachaknintin wata qepatam Diosqa runakunaman qorqa ancha chaniyoq regalota: chayqa librawananchikpaq Cristopa wañusqanmi, chaymi Diosta astawanraq agradecekunanchik 17 abrilta Cristopa wañukusqanta Yuyarinapaq preparakuspa (Col. 3:15).
2. ¿Imakunamantam agradecekunanchik?
2 Rantinchikpi wañusqanmanta bendicionkuna. Cristo wañusqanraykum ‘huchanchikmanta pampachasqa’ kanchik (Col. 1:13, 14). Chaywanmi Jehová Dios serviyta atinchik chuya sonqonchikwan (Heb. 9:13, 14). Chaywantaqmi tukuy sonqonchikmanta Jehová Dios mañakuyta atinchik (Heb. 4:14-16). Librawananchikpaq Cristopa wañusqanpi iñisqanchikwanmi wiñay kawsaypi suyakuyniyoq kanchik (Juan 3:16).
3. ¿Imaynatam Diosta agradecekuchwan librawasqanchikmanta?
3 Agradecekusqanchiktam qawachina. Chaytam qawachichwan Jesusta manaraq wañuchichkaptinku imakuna rurasqanmanta sapaqchasqa textokunata sapa punchaw leespa hinaspa yuyaymanaspa. Chaypaqmi yanapawachwan 2011 abril-junio Llaqta Cuidaq revistapi “¿Listoñachu kachkanchik sapaqchasqa punchawta yuyarinapaq?” niq yachachikuy. Agradecekuchwantaqmi librawasqanchikmanta tukuy sonqonchikwan Jehová Diosman orakuspa (1 Tes. 5:17, 18). Hinaspa Jesuspa kamachisqanman hina chay huñunakuyman rispa (1 Cor. 11:24, 25). Chaymantapas kuyakuq Diostam qatipakunanchik hukkunata invitaspa (Isa. 55:1-3).
4. ¿Imapaqmi salmista hina tanteakunanchik?
4 Agradecekuspaqa Cristopa wañukusqanta yuyarinapaq huñunakuytaqa manam wakin huñunakuyta hinachu qawasun. Chayqa mayqen huñunakuymantapas aswan importantem. Chay huñunakuy hichpamusqanman hinam salmista hina ‘tukuy sonqonchikwan alabana Tayta Diosta. Manam qonqanachu tukuy favorninkunataqa’ (Sal. 103:2).