Tapukuykunapaq kaq

◼ ¿Jehová Diospa testigonkuna hukkunaman aypunankuchu grabasqa otaq copiasqa discursokunata?

Bibliamanta discursokunaqa allintapunim kallpanchawanchik (Hech. 15:32). Chaymi munanchik congregacionpi chay discursota mana uyariqkunaman uyarichiyta. Kunan tiempopiqa manam sasachu discursokunata achkanpi grabaspa hukkunaman aypuyqa. Wakinkuqa waqaychakunkum ñawpaqmantaraq grabasqa discursokunata, hinaspam allinpaq piensaspanku amistadninkunaman prestanku otaq grabapunku. Wakinñataqmi Internet nisqapi churarunku lliw munaqkuna horqospanku uyarinankupaq.

Arí, ñoqanchikpaq otaq familianchikpaqpas discursokunata grabaytaqa atichwanmi. Congregacionpi ancianokunapas ninmankum, onqosqankurayku huñunakuyman mana hamuq iñiqmasinchikkunapaq discursokunata grabanankupaq. Ichaqa kanmi imarayku chay copiasqa otaq grabasqa discursokunata mana aypunapaq.

Congregacionpa ima necesitasqanman hina discursokuna qokusqanraykum, huk iñiqmasinchikkunata chay discursopa wakin nisqankuna hukta piensarachinman. Chaymantapas, chay discursota pim hinaspa haykapi qokusqanta yachayqa sasam kanman, chaynapi allin kasqanta yachanapaqqa (Luc. 1:1-4). Chaynataqmi, chay grabasqa otaq copiasqa discursokunata aypuyqa wakinkunatam tanqanman paykunata llumpayta alabanankupaq (1 Cor. 3:5-7).

Allin yuyayniyoq confianza sirvientem anchata kallpanchakunku tiempollanpi hinaspa allintapuni espiritual mikuyta qowananchikpaq (Luc. 12:42). Chay espiritual mikuypim kachkan Jehová Diospa testigonkunapa congregacionninkupi qosqanku discursokunapas, chaynataq Internet nisqamanta horqonapaq grabasqa yachachikuykunapas, direccionninmi www.jw.org. Segurom kachwan allin yuyayniyoq confianza sirviente hinaspa Jehová Diospa Llaqtanpi Punta Apaqkuna, iñiyninchikpi allin takyasqa kananchikpaq yanapawananchikmanta (Hech. 16:4, 5).