Predicayninchikqa puntapim kanan
1. ¿Imaynatam Jesusqa qawachirqa predicaynin puntapi kasqanta?
1 Jesusqa predicaynintam imamantapas puntapi churarqa. Anchata kallpanchakuspanmi, payqa chakillawan karu-karuta rirqa Palestina lawkunaman chaynapi lliw runakunaman predicananpaq. Chayraykum kapuqniyoq kananpaqqa mana afanakurqachu, chaynapi predicaypi astawan tiemponta servichikunanpaq (Mat. 8:20). Onqoqkunata hampinanpaq Jesusta runakuna harkayta munaptinmi, nirqa: “Diospa munaychakusqanmanta allin noticiataqa wakin llaqtakunapipas willakunaymi, chaypaqmi ñoqataqa kachamuwarqa”, nispa (Luc. 4:43).
2. ¿Imanasqataq Jesuspaqqa predicaynin ancha valorniyoq karqa?
2 ¿Imanasqam Jesuspaqqa predicaynin ancha valorniyoq karqa? Payqa Diospa sutintam chuyanchayta munarqa (Mat. 6:9). Chaymantapas Taytanta anchata kuyaspanmi, lliw kamachisqanta kasukuyta munarqa (Juan 14:31). Chaynataqmi, runakunapi sonqomanta interesakusqanrayku hinaspa yanapayta munasqanraykupas (Mat. 9:36, 37).
3. ¿Imaynatam qawachichwan predicayninchikta puntapi churasqanchikta?
3 Imaynatam qatipakuchwan. Imapas ruraykuna hinaspa kusirikuykuna tiemponchikta qechuwasqanchikraykum, Jesus hina predicayninchikta puntapi churayqa sasa (Mat. 24:37-39; Luc. 21:34). Chayraykum ancha allinpuni aswan allin kaqkunata puntapi churayqa, hinaspa preparakuspa sapa kuti predicaq rinapaqpas tiempochakuyninchikqa (Fili. 1:10). Kallpanchakunanchiktaqmi kapuqllanchikwan kawsanapaq hinaspa kay pachapi kaqkunata mana llumpayta servichikunapaqpas (1 Cor. 7:31).
4. ¿Imanasqataq kunan tiempopi Dios serviyninchikta puntapi churana?
4 Mana ancha tiempoyoq kaspanqa, yachayniyoq runaqa aswan allin kaqtam puntapi churan. Sichu mancharikuypaq wayra para hamuptinqa, tiempoykitawan kallpaykitam servichikunki aylluykita waqaychanaykipaq hinaspa vecinoykikunamanpas willanaykipaq. Wakin ruraynikitaqa chaymantañamá rurawaq, ¿aw? Arí, pisi tiempollamantañam Armagedonqa chayaramunqa (Sof. 1:14-16; 1 Cor. 7:29). Chaymi, sichu vidanchiktawan runakunapa vidanta salvayta munaspaqa, qawakunanchikmi imayna kasqanchikta, hinaspa congregacionpi chaynataq hukkunatapas imayna yachachisqanchikta (1 Tim. 4:16). Arí, salvakuyninchikqa kanqa Dios serviyninchikta puntapi churasqanchikmantam.