Iñiqmasinchikpa qosan otaq señoran mana Testigo kaptin
1. ¿Imanasqataq ninchik manam iñiqmasinchikkunallachu munanku qosan otaq señoran Testigo kananpaq yanapaytaqa nispa?
1 ¿Congregacionnikipi hayka iñiqmasinchikkunapa qosantaq otaq señorantaq mana Jehová Diospa testigonchu kanku? Iñiqmasinchikkunaqa munankuchá qosankuwan otaq señorankuwan kuska Dios serviyta. Ichaqa Jehová Dios hinam llapallanchik munanchik lliw “runakuna salvakunankuta hinaspa cheqap yachachikuy reqsinankuta” (1 Tim. 2:4). ¿Imaynatam iñiqmasinchikpa qosan otaq señoran mana iñiq kaptin yanapachwan?
2. ¿Imaynatam entiendeq kayqa yanapawanchik mana Testigo qosanta otaq señoranta yanapanapaq?
2 Puntataqa mana Testigokunapa imayna kasqantam qawananchik. Yaqa lliwmi familiankuta kuyanku hinaspa kallpanchakunku allin qosa otaq allin tayta kanankupaq, ichaqa manam ñoqanchik hina Testigochu kanku. Chaymantapas, Jehová Diospa testigonkunamantaqa manapaschá allintaqa yachankuchu, aswanqa amistadninpa mana allin willasqallantachá yachanku. Wakinqa manam allinpaqchu hapinku, cristianoña kaspa familiankumantaqa Diosta servinankupaq astawan tiempochakusqankuta. Entiendeq kaspaqa kuyakuywan hinaspa respetowanmi mana iñiqkunataqa rimapayasun, chaynapim paykunawan tarikuspanchikqa mana hukmanyasunchu (Pro. 16:20-23).
3. ¿Imaynatam yanapachwan iñiqmasinchikpa mana testigo qosanta otaq señoranta?
3 Sonqonchikmanta interesakusun. Wakin kutipiqa manam Bibliamanta rimaspallachu yanapachwan iñiqmasinchik kananpaqqa, aswanmi allin rurasqanchikkunawan (1 Ped. 3:1, 2). Ancha allinmi sonqomanta interesakuyninchikqa. Paninchikkunam cristianopa señoranwan parlanmanku, qarikunañataqmi cristianapa qosanwan. ¿Imaynatam chayta rurachwan?
4. ¿Imaynatam sonqomanta interesakusqanchikta qawachichwan?
4 Sichu qosanta otaq señoranta manaraq reqsispaykiqa puntata iñiqmasinchikwan rimay tanteasqaykita willanaykipaq. Qallariyninpi mana allinta chaskisuptikiqa, ama hukmanyaychu. Yaqapaschá allin chaskiyninchik hinaspa sonqomanta interesakusqanchik Jehová Diospa testigonkunamanta piensasqanta cambianman (Rom. 12:20). Wakin iñiqmasinchikkunam familiantawan wasinman invitanku kuska mikunankupaq, chaynapi allinta reqsinakunankupaq hinaspa testigokunamanta mana allinkunata mana piensananpaq. Diosmanta rimanankumantaqa rimay munasqanmantam rimanku. Chaymantañam Diosmantaqa rimanmanku. Congregacionpi wakinkunata reqsispanqa yaqapaschá huk kaqnin huñunakuyninchikman riyta munanqa, chaypim qosanpa otaq señoranpa imakuna yachasqanta musyakunqa. Ichaqa sichum cheqapmanta mana yachayta munaptinqa, alabachwanmi cristiano qosanta otaq señoranta yanapasqanmanta.
5. ¿Imatam ancianokuna ruranmanku?
5 Ancianokunam astawanraq kallpanchakunanku iñiqmasinchikpa mana Testigo qosanta otaq señoranta yanapanankupaq, hinaspapas predicanankupaq allin kaptinqa chaytam rurananku. Pipas Bibliamanta mana yachayta munaspanqa, ichapas llumpayta onqospanqa otaq hospitalpi kaspanqa Diospa Palabranmanta uyariyta munanman. Wakin familiapiqa sapakama religionniyoqmi kanku, sichu hukkaqnin familian wañukuptin llumpay sasachakuypi kaptinkuqa, ancianokunam mana testigo kaqkunata invitanmanku familianpaq consuelo qosqanta uyarinankupaq.
6. ¿Imanasqataq iñiqmasinchikkunapa qosanta otaq señoranta yanapananchik?
6 Piensariy ¡maynatachá iñiqmasinchik kusikunman qosan otaq señoran cheqapmanta yachayta munaptinqa! Jehová Dioswan, angelkunapas anchatam kusikunmanku chaynataq congregacionpi kaqkunapas (Luc. 15:7, 10). Chaywanpas manaraq uyariyta munaptinqa manam hukmanyananchikchu, kallpanchakusqanchikqa Diospa agradonpaqmi ‘payqa munachkanmi huchamanta wanakuspa payman llapallanchik kutirikunanchikta’ (2 Ped. 3:9).
[6 kaq paginapi suti rikuylla kaq willakuy]
Wakinpiqa manam Bibliamanta rimaspachu yanapachwan iñiqmasinchik kananpaqqa, aswanmi allin rurasqanchikkunawan