Diospa Palabranqa allintapunim yachachiwanchik

1. ¿Imawan sutichasqam kanqa 2014 kaq watapaq iskay punchaw asambleanchik? ¿Imamantam contestawasun?

¹ Jehova Diosllam pimantapas allin ‘Yachachiqninchikqa, manam pipas pay hina yachachiqqa kanchu (Is. 30:20, 21). Jehova Diosqa qellqachisqam Palabranwanmi yachachiwanchik, chay qellqamanqa manam ima qellqapas igualanchu. ¿Imaynatam Diospa Palabranqa yanapawanchik cuerponchikpi, piensayninchikpi, imayna sientekuyninchikpi chaynataq Dios serviyninchikpipas? Chay tapukuykunatam contestawasun 2014 kaq watapi iskay punchaw asambleanchikpi. Chay asambleapa sutinmi “Diospa Palabranqa allintapunim yachachiwanchik”, kayqa horqosqam kachkan 2 Timoteo 3:16 textomanta.

2. ¿Ima tapukuykunataq yanapawasun chay asambleapi allinnin kaq yachachikuykunamanta cuentata qokunapaq?

² Allinnin kaq yachachikuykunamanta. Mayqenkuna kasqanmanta cuentata qokunapaqmi qatiqninpi tapukuykuna yanapawasun:

• ¿Imaynatam Diospa yachachikuynin yanapawanchik? (Is. 48:17, 18.)

• ¿Imamantam seguro kachwan tukuy tiemponchikwan Jehova Dios servinapaq tanteakuspaqa? (Mal. 3:10.)

• ¿Imatam ruwananchik pantasqa yachachikuykunawanqa? (Heb. 13:9.)

• ¿Imaynatam Jesus hina ‘yachachichwan’? (Mat. 7:28, 29.)

• ¿Imanasqam congregacionpi yachachiqkunaqa kikinkuraq yachachisqankuman hina kawsananku? (Rom. 2:21.)

• ¿Imakunapim Diospa Palabranqa yanapawanchik? (2 Tim. 3:16.)

• ¿Imaynam runakunaqa tarikunku nacionkunata Dios ‘katkatatachiptin’? (Hag. 2:6, 7.)

• ¿Imatam Jehova Diosqa ñoqanchikmanta suyan? (Efes. 5:1.)

• ¿Imanasqam kallpanchakunanchik Diospa yachachikuyninpi takyanapaq? (Luc. 13:24.)

3. ¿Imanasqataq asambleapi llapan yachachikuykunata allinta uyarinanchik?

³ Apostol Pablom 2 Timoteo 3:13 nisqanpi nin: “Mana allin runakunawan engañaq runakunam ichaqa aswan mana allinmanraq chayanqaku, pantachispankum paykunapas pantachisqa kanqaku”, nispa. Chaywanmi cuentata qokunchik kay tukupay tiempopi runakunaqa imayna kanankumanta. Paykunapa yachachisqanku mana pantachiwananchikpaqmi Diospa yachachisqanta uyarispa kasukunanchik. Chaynaqa kallpanchakusunyá asambleapi llapan yachachikuykunata allinta uyarinapaq.