Tapukuykunapaq kaq

◼ ¿Pikunataq cuponnintakama otaq Internetnintakama mañakunman qellqanchikta otaq Testigokuna watukunanpaq?

Wakin qellqanchikkunapim kachkan cupon otaq recuadro; sutinkutawan direccionninkuta qellqanankupaq, chaytam servichikunku mayqen qellqanchiktapas chaskinankupaq otaq Jehová Diospa testigon watukunanta munaspanku. Biblia estudiayta munaspaqa Internetnintakamapas chaytam ruranmanku (www.watchtower.org). Chayna yanapakuykuna kasqanwanmi achka runakuna Diosmanta yacharunku. Ichaqa testigo kaqkuna amistadninpa otaq familianpa rantinpi chayta ruraptinkuqa problemam kanman.

Ejemplopaq, mana mañakuchkaptin Betel wasimanta qellqanchikkunata apachiptinkum wakinqa quejakunku Jehová Diospa llaqtan hikutasqanmanta chaynataq direccionninkupas mana permisachkaptin listapi hina kasqanmanta. Chaymantapas wasiyoq watukunankupaq mana nichkaptin iñiqmasinchikkuna watukuspankum sasachakuypi tarikunku wasiyoq piñarikuptin. Chaymi manam mayqen Testigopas chay recuadropiqa nitaq Internetpipas pipa sutintapas qellqananchu, chaytaqa wasiyoqmi otaq yachay munaqmi qellqanan. Hukpa rantinpi qellqasqanku sutilla kaptinqa, Betel wasipi kaqkunaqa manam atiendenqakuchu chay mañakusqankutaqa.

Hinaptinqa, ¿imaynatam yanapachwan familianchikta otaq amistadninchikta Diosmanta yachanankupaq? Qellqanchikta chaskinankuta munaspaqa, ¿manachu kikiyki apachiwaq regalota hina? Pipas Diosmanta yachayta munaptinqa otaq Testigokuna watukunanta munaptinqa chay yachasqan lawpi predicaq congregacionpa ancianokunaman niy. Chay rurayta mana atispaqa formulario Sírvase visitar (S-43) nisqanpi qellqay hinaspa congregacionnikipi secretarioman qoy, payñam apachinqa Betel wasiman. Amataq Betel wasimanqa apachiychu carcelpi kaqpa sutinta, drogakusqanmanta sanoyananpaq institucionpi otaq hospitalpi kaqpa sutintaqa. Aswanqa kallpanchay chayman riq hermanokunawan rimananpaq otaq Betel wasiman kikin qellqananpaqpas.