Chaylla watukusun

Internetpi direccionninchik hukllaña kasqanraykum, chaynintakama achka runakuna Bibliata estudianankupaq astawan mañakamuchkanku. Achka runakunapa kasqanpi predicanapaq mosoq arreglopas yanapakuchkanmi. Internetnintakama Betel wasipi chaskispankuqa, iskay punchawllamantam tupaqnin congregacionpi ancianokunaman apachinku. Ichaqa Betel wasimanmi willamunku mana chaylla tarisqaykichikta. ¿Imatam ruwachwan chaylla watukunapaq? (Mar. 4:14, 15.)

Diosmanta yachay munaq runa predicasqayki lawpi mana yachaptinqa, chayllam huntachinayki Sírvase visitar (S-43) nisqata hinaspam qatiqnin huñunakuyllapi secretario kaq ancianoman qonayki. Payñataqmi manapas iskay punchawpi Betel wasiman apachinqa jw.org nisqantakama otaq tupaqnin congregacionman. Ancianokunaqa sapa kutitaqmi Internetta servichikunanku. Estudiay munaq runamanta willamusuptikichikqa chayllam watukunaykichik. Watukunaykipaq kamachisuptikiqa paytaraqmi puntata watukunayki. Mana tarispaqa sutikitawan maypi yachasqaykita papelpi qellqaspa saqey.