Cuidadowanyá predicasunchik
1. ¿Imanasqataq cuidadowan predicananchik?
1 Kunan tiempopi Diospa serviqninkunaqa atoqkunapa chawpinpi ovejakuna hinam tarikunchik “huchallikuq pierdesqa runakunapa chawpinpi” predicasqanchikrayku (Mat. 10:16; Fili. 2:15). Runakunaqa maypipas chaqwakunatawan peleokunatam hatarichinku chaymantapas runamasintam ñakarichinku, tukuy kaykunam qawachin ‘runakunaqa aswan mana allinmanraq chayasqankuta’ (2 Tim. 3:13). ¿Bibliapa ima yachachikuyninkunam yanapawasun cuidadowan predicananchikpaq? (Mat. 10:16.)
2. ¿Imakuna pasakuptintaq allin kanman predicasqanchik lawmanta huklawman pasakuspa hinalla predicayninchik?
2 Tanteowanyá predicasun. Proverbios 22:3 nin: “Tanteoyoq runaqa desgracia sucedenanta qawarispanmi asurikun”, nispa. Chayraykum rikchan-rikchanlla kananchik. Chaqwakunaqa may llaqtapipas chayllam rikurirunman. Ichapas qonqayllamanta policiakuna chayaramunman otaq runakunapas huñunakurunmanku callepi chaqwakunata ruranankupaq. Chayna pasakuchkaptin ichapas wakin runakunaqa niwachwan chaymanta pasakunanchikpaq. Ima pasakusqanta qawananchikmantaqa chaymantam chaylla pasakunanchik hinaspam huklawpi hinalla predicananchik (Pro. 17:14; Juan 8:59; 1 Tes. 4:11).
3. ¿Imaynatam predicayninchikpi kasukuchwan Eclesiastes 4:9 nisqanta?
3 Ama sapallanchikqa predicasunchu. Eclesiastes 4:9 nin: “Chulla runalla kanamantaqa iskay runam aswan allinqa”, nispa. Wakinpiqa ichapas sapallanchik predicaq kanchik mana imapas pasawasqanchikrayku, wakin lugarkunapim ichaqa paninchik otaq mozo wawqenchik sapallan predicayninqa mana allinchu kanman, astawanraqmi tutapiqa. Yachanchikmi rikchan-rikchanlla predicaqmasinchikwan lloqsiyninchik ancha allin kasqantaqa (Ecl. 4:10, 12). Llapallanchikmi qawan-qawanlla kananchik predicaqmasinchikkunata cuidaspa, pasakuspaqa willananchiktaqmi pimanpas.
4. ¿Imatam llapallanchik rurananchik hawkalla predicananchikpaq?
4 Ancianokunaqa ‘almanchikmantam cuentallikuchkanku’, paykunam predicasqanchik lawpi necesitasqanchikman hina consejawanchik (Heb. 13:17). Sichu cuidakuq, kasukuq chaynataq humillakuq kasun hinaptinqa Diosmi bendeciwasun (Miq. 6:8; 1 Cor. 10:12). Diosta serviq kasqaykichikraykum munaniku cuidadowan hinalla predicanaykichikta.