Imanasqam predicananchik
¿Imanasqataq wasin-wasin predicanchik hinaspa Bibliamanta estudiachinchik? ¿Wiñay kawsayta Diosman sonqo runakuna chaskinankuraykuchu? (Mat. 7:14.) Chay ruray ancha allin kaptinpas manam chayraykuchu astawanqa predicanchik. Qatiqninpi kaqkunamanta, ¿mayqentaq aswan allinqa kanman imanasqa predicanapaq?
1. Runakunatam salvan (Juan 17:3).
2. Mana allin ruraqkunatam anyan (Eze. 3:18, 19).
3. Bibliapa willakusqanmi cumplikuchkan (Mat. 24:14).
4. Diospa allin ruraq otaq justo kasqantam qawachin. Mana allin ruraqkunata Jehová Dios chinkachiptinqa manam pipas ninqachu wanakunankupaq mana willasqanchikmantaqa (Hech. 17:30, 31; 1 Tim. 2:3, 4).
5. Diosmanta yachachinapaqmi yanapawanchik, Cristoqa lliw runakunaraykum wañurqa (Rom. 1:14, 15).
6. Mana allin ruraqkuna wañuptinqa manam huchayoqchu kasun (Hech. 20:26, 27).
7. Wañuymanta librasqa kanapaqmi yanapawanchik (Eze. 3:19; Rom. 10:9, 10).
8. Runamasinchik kuyasqanchiktam qawachin (Mat. 22:39).
9. Jehová Diostawan Jesus kasukusqanchiktam qawachin (Mat. 28:19, 20).
10. Dios yupaychasqanchiktam qawachin (Heb. 13:15).
11. Dios kuyasqanchiktam qawachin (1 Juan 5:3).
12. Diospa sutin chuyanchasqa kananpaqmi yanapan (Isa. 43:10-12; Mat. 6:9).
Ichaqa manamá kaykunaraykullachu predicanchik. Predicasqanchikqa yanapawanchiktaqmi iñiyninchikpi kallpanchasqa kanapaq hinaspapas Diospa llamkaqmasin kasqanchiktam qawachin (1 Cor. 3:9). Ichaqa Diospa sutin chuyanchasqa kananpaqmi astawanqa predicanchik, runakuna uyariptin otaq mana uyariptinkupas. Predicasqanchikqa yanapantaqmi insultaqninta Jehová Dios contestananpaqpas (Pro. 27:11). Chaykunaraykum ‘mana samaykuspa’ Diospa allin noticiankunamanta willakunapaqqa hinalla kallpanchakunanchik (Hech. 5:42).