¿Pikunataq Jehová Diospa munayninta kay tiempopi rurachkan?
1. ¿Haykapimantam estudiayta qallarisun Diospa munaynin niq folletota? ¿Imaynatam chayta estudiasqanchikqa yanapawasun?
1 Diciembre 23 semanamantam Biblia Estudianapaq Huñunakuypi estudiayta qallarisunchik ¿Pikunataq Jehová Diospa munayninta kay tiempopi rurachkan? niq folletota. Chay folletotam chaskirqanchik “Sonqotayá Waqaychasun” niq Kimsa Punchaw Asambleanchikpi, chay qellqaqa ruwasqam kachkan Biblia estudiachisqanchikkunaman Diospa organizacionninta reqsichinapaq. Kay qellqata estudiasqanchikqa yanapawasuntaqmi Jehova Diospa organizacionninta astawanraq chaninchanapaq chaynataq Diosmanta yachay munaqkunaman yachachinapaqpas (Sal. 48:13).
2. ¿Imaynatam estudiasun Diospa munaynin niq folletota?
2 ¿Imaynatam estudiasun? Congregacionpi estudiota dirigiqqa sapa yachachikuypaqmi tiemponta allinta rakinan. Sapa yachachikuytam qallarinan qallariyninpi tapukuyta servichikuspan. Chaynatam ruwanan llapan 28 yachachikuykunawan. Punta kaq parrafota leechispam tanteasqanman hina tapunan, hinaspa yana letrawan qallariq parrafokunata sapakamata leechispanmi qallariyninpi tapukuyta contestanankupaq imayna yanapasqanta qawachinan. Tiemponpa kasqanman hinam entiendechinanpaq kaq textokunata leechinan. Chay folletopiqa kachkantaqmi achka fotokuna otaq dibujokuna, chaykunamantapas rimarinmankum. Huknin yachachikuyta manaraq qallarichkaspam yachachisqanpa tukupayninpi kaq tapuykunata tapunan. “Astawan yachay” niq recuadro kaptinqa leechispam tapunan chaywan Biblia estudiaqkuna imayna yanapachikusqankumanta rimarinankupaq. Tiemponraq kaptinqa qallariyninpi kaq tapukuykunawanmi kaqmanta yuyarichinan. Biblia estudiaqkunamanqa manam kay yachachikuypa nisqanman hinapunichu yachachina.
3. ¿Imaynatam allinta yanapachikuchwan kay folletota estudiaspanchik?
3 Kay folletowan allinta yanapachikunapaqmi allinta preparakuspa huñunakuypi rimarinapaq kallpanchakunanchik. Sapa yachachikuyta estudiaspam piensananchik Biblia estudiaqkunata imayna yanapanapaq kasqanpi. Kay folletota estudiasqanchikqa yachachiwasunmi hukkunapas Jehova Diospa munayninta ruwanankupaq yanapananchikpaq chaynataq wiñay kawsayta haypanankupaqpas (1 Juan 2:17).